Црна хроника
Кумановец кршел дома за пари, внук го претепал дедо му за пари
Кумановец кршел дома и ги малтретирал сестра му и мајка му за пари, а внук во тетовско го претепал својот дедо оти не му давал пари.
Двата случаи се случиле во понеделникот, едниот во кумановското село Слупчане, а другиот во долнореканското село Требиште. Во кумановското село Слупчане во понеделникот вечерта, триесет и двегодишен кумановец барал пари и се заканувал дека ако не му дадат дека ќе ја запали куќата. Почнал да крши внатре, па мајка му дала 100 евра, но тој продолжил да се заканува и рекол дека ќе ја запали куќата ако татко му не му прати пари преку „Вестерн Унион“.Сестра му го пријавила во полиција, кумановецот е приведен во полициска станица и ќе биде задржан се до целосно расчистување на случајот.Другиот случај бил пријавен исто така во понеделникот, откако дваесет и петгодишен внук го нападнал неговиот седумдесет и седумгодишен дедо. Бидејќи не му дал пари, внукот започнал психички да го малтретира и вербално да се расправа, по што се налутил и го соборил на подот, оштетувајќи му го апаратот за слушање, информираат од СВР Тетово.Продолжил да ја оштетува, односно крши покуќнината внатре и да се заканува по животот на дедото, кој подолго време бил малтретиран на ваков или сличен начин.Набрзо по пријавувањето, внукот бил приведен во полициската станица Гостивар и по целосното расчистување на случајот и против него ќе биде поднесена соодветна пријава./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против битолчанец, ставил под хипотека туѓ недвижен имот во Охрид и стекнал корист од 352 илјади денари
СВР Охрид поднесе кривична пријава против 61-годишниот К. Р. од Битола поради постоење основи на сомнение за сторени кривични дела неизвршување судска одлука и самовластие.
„Тој, свесно и спротивно на судска пресуда, става под хипотека недвижен имот во Охрид сопственост на друго лице и на тој начин стекнал противправна имотна корист од 352.000 денари“, велат од СВР Охрид.
Топ
Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец
Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против правно лице од Скопје за сторено кривично дело узурпација на недвижности од чл. 225 од КЗ на РСМ.
А. Р. како сопственик и управител на второпријавеното правно лице подолг временски период противправно завладеал имот, сопственост на државата, и го ставил во владение на своето правно лице.
Имотот што се наоѓа веднаш до цветниот пазар зад Поликлиниката ‘Бит-пазар’ во Скопје, кој претставува градежно неизградено земјиште во општа употреба во сопственост на државата, А. Р. противзаконски го оградил со наплатна рампа и куќарка за наплата на влез-излез на предметното земјиште, каде што за секој влез-излез наплаќал соодветен паричен надомест и на тој начин го оневозможил слободното движење и користење на предметниот простор од страна на граѓаните и институциите на РСМ.
Црна хроника
Уапсен 39-годишник од Студеничани, возел „џип компас“ евидентиран во базата на Интерпол како украден
Вчера попладне, во 15.40 часот, на граничниот премин Долно Блаце, полициски службеници го лишиле од слобода 39-годишниот Џ. Р. од село Црн Врв, општина Студеничани, извести МВР.
„При извршена гранична контрола било констатирано дека патничкото возилото ‘џип компас’, со италијански национални ознаки, кое го управувал, сопственост на правно лице од Италија, е евидентирано во базата на Интерпол како украдено“, соопшти МВР.
Тој бил задржан во Полициското одделение Мирковци, а возилото било одземено за понатамошна постапка. По целосно документирање на случајот, ќе биде поднесен соодветен поднесок.