Црна хроника
Љубе Бошкоски е осуден на десет ипол години затвор за случајот „Ровер“
Поранешниот министер за внатрешни работи Љубе Бошкоски е осуден на десет ипол години затвор за случајот „Ровер“, односно за помагање во убиството на Маријан Тушевски што се случи во 2001 година.
Кривичниот судски совет денеска ги соопшти пресудите за овој случај, при што на обвинетите кои беа претходно осудени и за помагање во убиството на Киро Јанев, им го скрати ова дело со тоа што ги ослободи од умисла во помагање при убиството на Јанев.
Обвинетите ја примија пресудата со громогласен аплауз, а обвинетиот Љубе Бошкоски ги слушаше пресудите со свртен грб кон судскиот совет.
„Не го признавам овој совет“, рече Бошкоски.
Првите тројца обвинети, извршители на убиството на Маријан Тушевски и Киро Јанев, Предраг Чубрило, Милан Илиќ и Милорад Ковачевиќ, се осудени на доживотна казна затвор, Вук Вукичевиќ е осуден на 15 години затвор за помагање, Сашо Јовановски на седум години затвор, Ивица Ристиќ исто на седум години затвор, Зоран Трајковски на осум и пол години затвор, Никола Нигриевски на пет и пол години затвор, колку што доби и Гоце Митровски.
Оваа пресуда на Основниот суд Скопје 1 следува откако Апелација ја оспори првостепената пресуда на овој суд во случајот „Ровер“.
Судијата Илија Трпков, во образложението на пресудата, рече дека судот достоинствено се однесувал кон заканите на еден од обвинетите, мислејќи на Љубе Бошкоски, кој според судијата, сакал да му даде друг тек на рочиштето. Судијата рече дека јавноста е сведок за тоа дали судот го водел експресно овој предмет, чие судење започна во 2012 година.
„Ниеден устав и закон не дозволуваат закани и навреди кон судиите. Јавните закани и навреди зборуваат за самата личност. Судот го задржа достоинството“, рече Трпков.
Со оваа пресуда практично им се намалија затворските казни на обвинетите за околу 1,5 до половина година од првата пресуда.
Осудените остануваат во притвор до правосилноста на пресудата, иако дел од обвинетите се во притвор две години од покренувањето на обвинението.
Пред судот се собраа членови на партијата Обединети за Македонија и побараа ослободување на Бошкоски, а околу судот имаше силно полициско обезбедување.
„Од денеска во државава важат законите на Северна Кореја: Ова е монтиран политички процес и фрапантно кршење на Законите“ рекоа членовите на Обединети за Македонија, чиј претседател е Бошкоски. Во рацете го држеа интервјуто на министерот за правда, Аднан Јашари во кое вели дека судиите носат пресуди под политички притисок./крај/ффс
Извор: Фото: Телеграф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.