Црна хроника
Maж нападнат и ограбен во својот дом во Чаир

Триесет и четиригодишен мaж бил нападнат и ограбен во својот дом во Чаир.
Нападот во полицијата бил пријавен утрово околу 2.30 часот по полноќ.
„Во дом на подрачје на Чаир две лица, од кои едното употребило остар предмет, го нападнале А.К.(34) , при што му одзеле и пари“, соопшти МВР.
Се преземаат мерки за расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Прегазена 70-годишна жена на улица во Гостивар

Седумдесетгодишна гостиварка е прегазена од автомобил на улицата Беличица во Гостивар.
„Патничко моторно возило „сеат“, со гостиварски регистарски ознаки, што го управувал 66-годишниот А. Ш., удрило во 70-годишната гостиварка Л. И. (пешак)“, велат од СВР Тетово.
Во несреќата жената добила тешки телесни повреди, констатирани во гостиварската Општа Болница „Ферид Мурад“.
Извршен бил увид.
Црна хроника
МВР со детали за несреќата на автопатот Скопје-Тетово, две лица се потешко повредени

Две лица се здобиле со тешки повреди во несреќата на автопатот Скопје-Тетово што се случи вчера.
Како што претходно објави „Макфакс“, автомобилот „рено“ се превртел откако излетал од патот, а со возилото управувала 20-годишна девојка од скопско Морани.
Во несреќата повредени се пет лица, од кои две потешко.
„Во несреќата, двајца сопатници во возилото Х.М(46) и 51-годишната Е.С. од истото село се здобиле со тешки, а возачот и другите двајца сопатници со телесни повреди констатирани во тетовската Клиничка болница каде биле пренесени за укажување на лекарска помош“, велат од МВР.
На местото на несреќата, во координација со Јавен обвинител извршен бил увид.
Црна хроника
Маж ги нападнал сопругата и детето, друг го натепал братот – семејно насилство синоќа во Гостивар

Два случаи на семејно насилство во Гостивар биле пријавени синоќа во полицијата.
Како што објави СВР Тетово, во едниот случај маж ги нападнал сопругата и нивниот малолетен син, додека во вториот, гостиварец го натепал својот брат.
„Вчеравечер (31 мај) околу 21 часот и 25 минути, на улица „Гоце Делчев“ во Гостивар, полициски службеници на СВР Тетово-Одделение за внатрешни работи Гостивар го лишиле од слобода 36-годишниот Ф.А. од гостиварско село, кој бил пријавен од неговата 25-годишна сопруга дека половина час пред тоа физички ја нападнал неа и нивниот малолетен син. Ф.А. е задржан во Полициската станица Гостивар и по целосно документирање на случајот ќе му биде изготвен соодветен поднесок
Вчеравечер (31 мај) околу 21 часот и 20 минути, полициски службеници на СВР Тетово-Одделение за внатрешни работи Гостивар го лишиле од слобода 31-годишниот В.Б. од гостиварско село, кој бил пријавен од неговиот 28-годишен брат дека околу 21 часот во семејниот дом физички го нападнал. Се расчистува и документира случајот“, велат од СВР Тетово.