Црна хроника
Мајка и четиригодишно дете од Скопје загинаа во сообраќајка кај Градско
Мајка и нејзиното четиригодишно дете од Скопје загинаа во сообраќајна несреќа што се случи во вторникот вечерта во близина на наплатната рампа кај Градско, на автопатот Неготино – Скопје.
Несреќата се случила околу 18.45 часот кога автомобил „мазда 3“ со скопски регистерски таблици удрил во камион „мерцедес“, исто така со скопски ознаки. Камионот бил паркиран откако претходно удрил во друг камион со иста марка. Триесет и четиригодишната Василка С. од Скопје и нејзиното дете загинале на лице место, а таткото кој го возел автомобилот, триесет и тригодишниот Г.С. ја преживеал несреќата. Без повреди поминале и возачите на двата камиона, чии возила биле паркирани на крајната трета лента на автопатот. Јавен обвинител и увидна екипа на СВР Велес и Демир Капија извршија увид на местото на настанот и ги утврдуваат причините за несреќата.Сообраќајот на автопатот беше блокиран, а возилата се пренасочуваат по стариот пат. Движењето на автомобилите на автопатот се нормализира околу 23.20 часот./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.