Црна хроника
Македонската полиција побарала помош од Косово за нападот во Гошинце – видео
Претставници на македонската и косовската полиција попладнево одржале средба на високо оперативно ниво во Приштина по инцидентот што се случи кога вооружена група, според МВР, ја нападна караулата Гошинце и зароби четворица полицајци.
Македонското министерство за внатрешни работи ги презентирало информациите на своите колеги за нападот и побарале поддршка за расчистување на инцидентот.Од косовската полиција соопштија дека имаат патроли на граничната линија, но не забележале раздвижување на лица или групи од Косово во Македонија. Косовските медиуми, пак, синоќа објавија писмо потпишано од извесен командант Фљамури, според кое УЧК ја презема одговорноста за нападот во Гошинце.„Дискриминацијата и репресијата врз Албанците во Македонија стана неподнослива. Декаденцијата, политичката неспособност, економската и културна дискриминација и социјалниот развој бараат повторно будење на УЧК. Ги повикуваме сите службеници, особено Албанците веднаш да ги облечат униформите и да се приклучат на востанието. Првата победа на УЧК во Гошинце ни дава сила за други големи победи“, се вели во соопштението.Полицијата синоќа го завршила увидот на терен од каде се подигнати траги кои што се однесени на вештачење и обработка. Министерството за внатрешни работи во вторникот соопшти дека државните институции биле цел на терористички напад. Според МВР, четириесетина вооружени лица со униформи на УЧК, најверојатно од Косово ноќта во понеделникот спроти вторникот ја нападнаа караулата Гошинце, во Липковскиот регион, во близина на северната граница. Заробиле четворица полицајци преку кои пратиле порака дека сакаат своја држава и дека не признаваат никаков Охридски договор. Еден од полицајците не бил врзан и по половина час од нападот, како што им рекле напаѓачите, ги ослободил своите колеги.Медиумите кои стигнаа во близина на Гошинце, генерално пренесуваат дека атмосферата е мирна, дека нема тензии, а полицијата стигнала на местото 12 часа по инцидентот. /крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Тешка сообраќајна несреќа во Кичево – три млади лица го загубија животот, има и тешко повредени
Утрово во 4.50 часот на улицата Магистрален пат во Кичево се случила сообраќајна несреќа помеѓу патничко возило „пежо“ со кичевски регистарски ознаки, управувано од С.И.(19) од Кичево и патничко возило „фолксваген голф“ со кичевски регистарски ознаки, управувано од К.Е.(32) од кичевското село Трапчин Дол.
Од здобиените повреди на местото на несреќата починале возачот К.Е. и неговиот сопатник А.С.(20) од село Трапчин Дол, додека возачот С.И. им подлегнал на повредите на пат кон Комплекот клиники „Мајка Тереза“ во Скопје, велат од СВР Охрид.
Со тешки телесни повреди, констатирани во болницата „Св.Еразмо“ во Охрид и во Комплекс клиники „Мајка Тереза“, се здобиле 19-годишната Т.С. од Кичево, В.П.(21) од селото Подвис, кичевско, П.К.(21) од Кичево и еден малолетник од Кичево, сите сопатници во возилото „пежо“.
На местото на несреќата увид извршиле јавен обвинител и полициски екипи. По наредба на јавен обвинител, телата на починатите се дадени на обдукција.
Црна хроника
Уапсени пет лица од Гостиварско, украле добиток и го продале
Полициски службеници на СВР Тетово-Полициско одделение Галате, вчера во 16 часот и 15 минути и 19 часот и 30 минути ги лишиле од слобода: 23-годишниот Е.Ф., 18-годишниот Ј.М., 27-годишниот Е.А., 18-годишниот А.Д. и 32-годишниот И.Ф., сите од гостиварски Добридол, извести СВР Тетово.
„Тие се сомничат дека во периодот од 23.03. до 28.03.2024 од штала сопственост на 38-годишниот С.М. од истото село, противправно одзеле добиток и потоа го продале на друго лице од тетовско“, соопшти СВР Тетово.
Задржани се во Полициската станица Гостивар и по целосно расчистување и документирање на случајот ќе им бидат изготвени соодветни поднесоци.
Црна хроника
Две лица од Тетовско измамени за 11 илјади евра: Албанец им ветил дека ќе им отвори фирма во Дубаи, ниту отворил, ниту ги вратил парите
Педесет и седумгодишен жител на тетовско село, вчера во 14 часот и 40 минути во СВР Тетово пријавил дека 58-годишниот М.М. од Република Албанија во текот на минатиот месец нему и на уште едно лице им ветил дека ќе им отвори фирма во Дубаи, а за возврат тие во три наврати му платиле вкупно 11 илјади евра, извести СВР Тетово.
„Но, ниту фирмата им била отворена, ниту парите им ги вратил, по што сфатиле дека се измамени“, соопшти СВР Тетово.
Се преземаат мерки за расчистување и документирање на случајот.