Црна хроника
Малолетници краделе низ Битола и украле близу 2 милионa денари
Тројца малолетници и уште еден деветнаесетгодишен битолчанец краделе по куќи, цркви и фирми во Битола и од сeптември минатата година до март годинава украле речиси два милиона денари.
Минатиот месец крадците влегле преку затворена метална порта во дворот на куќа во Битола и со делување врз патент брава на вратата од влезот влегле и украле два паричници со 20.000 евра, злато со тежина околу 400 грама во вредност од околу 10.000 евра и четири пара обетки „Сваровски“.Тројца од нив, пак, на 3-ти март преку балкон од куќа во Битола, го скршиле прозорецот, влегле во дневната соба од куќата и украле два златни прстена. Наредниот ден влегле преку ограда во двор од куќа во Битола, со употреба на алат насилно ја отвориле вратата од визбата, но го активирале сигурносниот алармен систем си избегале.Ноќта на 7-ми спроти 8-ми март со употреба на физичка сила ја отвориле влезната врата од црквите „Света Ана“ и „Света Петка“ и од метална кутија за доброволен прилог одзеле парични средства во вредност од 220 денари. Истиот ден ограбиле уште една куќа од која украле бакарни садови.Во февруари годинава еден од нив провалил во програмерска фирма и на свој сограѓанин му украл кожна јакна, во која имало паричник со лични документи. Направиле вкупна штета од 1.916.200 денари.СВР Битола до надлежното Основното јавно обвинителство поднесе кривична пријава против сите осомничени за тешка кражба./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.