Црна хроника
Малолетникот кој пријави дека се самоповредил со нож, бил нападнат и прободен
Малолетникот кој викендов пријави дека се самоповредил во студентскиот дом „Кочо Рацин“ во Битола, го смени исказот и пријави дека бил нападнат и прободен со нож.
Според неговиот нов исказ кој го дал во полиција во присуство на неговиот татко, седумнаесетгодишниот битолчанец бил нападнат на 16 октомври околу 21 часот додека се движел на улицата „Сотир Брбевски“ во Битола. Таму го пресретнало непознато лице кое му побарало пари. Момчето му рекло дека нема пари, а напаѓачот почнал да му се заканува дека ќе му ја запали куќата и почнал да го навредува, а со навреди возвратил и малолетникот. Непознатото лице почнал да го влече и да го удира со раце во пределот телото, по што момчето се повлекло во студентскиот дом во собата на неговите другари, каде осетил болка во левото рамо, а кога се соблекол забележал крв. Се обиделе да го сопрат крварењето, а потоа двајца другари што живееле во Домот со такси возило го однеле во Клиничката болница во Битола, каде му биле констатирани тешки телесни повреди. Момчето најпрвин пријави дека се самиот се повредил бидејќи бил исплашен од настанот. Момчето првин во полиција пријави дека самиот се повредил кога скокнал со грб на креветот, на којшто имало оставено нож.СВР-Битола презема мерки за целосно расчистување и документирање на случајот./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.