Црна хроника
Медицинската сестра која беше убиена и обвинетиот планирале да заминат за Германија
Медицинската сестра која во јануари, по Нова Година, беше убиена на покривот од Детската клиника во Скопје три-четири месеци пред убиството била во љубовна врска со обвинетиот за нејзиното убиство, Никола Кузмановски.
За врската знаел и братучедот на Никола, Оливер Кузмановски, кој заедно со уште една негова братучетка, Билјана Кузмановска, сведочеа пред судот, како сведоци на одбраната, а со Никола живееле во ист двор куќа до куќа.Оливер Кузмановски пред судот раскажа дека ја гледал како доаѓа во куќата каде што живее Никола, навечер, завиткана со марама, за да не ја препознаат другите, и најчесто се среќавале во Клиниката каде што работеше медицинската сестра.Тој го советувал дека таа врска нема да успее, но Никола му викал дека не може да ја остави, бидејќи многу се сакале.Според кажувањата на сведокот, бидејќи Никола бил претходно во Германија, планирале двајцата сами да заминат во Германија и таму да живеат. Не знаел дека Диана била бремена, а еднаш ги видел заедно како седат еден до друг во ресторан на „комитска вечер“ во скопското село Петровец, од каде што се и убиената и обвинетиот.Додека сведокот раскажуваше дека Дијана одела кај Никола покриена со марама и дека планирале да одат во Германија, родителите на покојната демонстративно ја напуштија судницата.И двајцата сведоци, Оливер и Билјана Кузмановски, раскажуваа дека Никола и неговата мајка биле жртви на семејно насилство, податок што пред судот го соопшти и психијатарот кој го вршеше вештачењето за Никола.Тврдеа дека неговиот татко бил алкохоличар и дека постојано ја малтретирал неговата мајка, а Никола бил тој кој ја заштитувал и ги разделувал за да не ја повреди. Многу често ги викал и своите братучеди и чичковците со кои живееле во ист двор да му помогнат.Обвинетиот често имал панични напади и кога ќе се изнервирал се тресел, ги стискал шаките како тупаница и почнувал да се тресе, раскажуваше неговиот братучед. Тој го советувал да посети психијатар, но на Никола му било срам да каже дека е жртва на семејно насилство. Според обвинителството, смртта на Дијана настапила со задушување со притискање и со затворање со шаката на устата и носот и оштетувања на вратот.Според одбраната на обвинетиот, пак, смртта настапила како последица на кршење на черепот предизвикан од пад и со задушување. Според нив, тоа бил настан со несреќни околности.Една седмица пред трагичниот настан Диана му кажала на сопругот дека е бремена, а пред убиството и обвинетиот знаел дека жената е бремена и побарал од неа да направи ДНК анализа. Најверојатно заради тоа почнала кавгата меѓу двајцата љубовници која заврши трагично./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.