Црна хроника
Младоженецот и невестата поминале без тешки повреди
Младоженецот и невестата кои во саботата вечерта се удрија со автомобил на патот Охрид – Свети Наум, поминале без тешки повреди.
Како што соопштуваат од СВР Охрид, триесет и четиригодишната сопатничка се здобила со полесни повреди и веднаш била пренесена во Општата болница, а по извршени прегледи е пуштена на домашно лекување.
По извршено алкотестирање кај возачот утврдено било дека е под дејство на алкохол, односно биле измерени 1,88 промили алкохол во крвта. Возачот веднаш е исклучен од сообраќај, одземена му е сообраќајната дозвола, а против него ќе биде поднесена и соодветна пријава.
Несреќата се случила околу 22 часот кога автомобил „мазда“ со охридски регистарски таблици, при вклучувањето од споредниот пат кај Инекс Горица на регионалниот пат, удрил во електричен столб./крај/мф
Извор: OhridNews
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.