Црна хроника
Мотоциклист загина кај Охрид, уште тројца повредени
Млад мотоциклист го загуби животот а уште три лица се повредени во сообраќајната несреќа што се случи во саботата во доцните попладневни часови на регионалниот пат Охрид – Струга во близина на месноста Оровничка плажа, соопшти во неделата СВР Охрид.
Од здобиените повреди на самото место на несреќата починал 26-годишниот Александар С., од селото Горенци, во Општина Дебарца.
Со тешки телесни повреди се здобил 39-годишниот Р.А. од Охрид кој поради сериозноста на повредите е префрлен во болницата „Свети Еразмо во Охрид, додека .29-годишниот И.С. и 55-годишниот В.Т., исто така, од Охрид се здобиле со лесни повреди и по извршениот медицински преглед во болницата се пуштени на домашно лекување.
Сообраќајната незгода се случила кога сега починатиот, по регионалниот пат во правец од Струга кон Охрид управувал моторцикл марка „јамаха“ при што од засега непознати причини се случил директен судир со такси патничко моторно возило „форд мондео“ со охридски регистарски таблички. Од ударот меѓу предните делови на моторциклот и патничкиот автомобил, мотоциклистот излетал надвор од коловозот.
На местото на сообраќајната незгода, извршен е увид во присуство на јавен обвинител, овластен судски вештак, главниот инспектор за сообраќајни работи при СВР Охрид и полициски екипи од полициската станица за безбедност во патниот сообраќај Охрид.
Увидот започна во 18,10 часот а заврши во 21,45 часот при што од страна на полициски службеник се вршеше наизменично регулирање на сообраќајот
По наредба на јавниот обвинител, патничкото возило „форд мондео“ и мотоциклот „јамаха“ се подигнати за понатамошно техничко вештачење а врз телото на починатиот денеска ќе биде извршена обдукција./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.