Црна хроника
Нападнати матурнат и уште едно момче оти истакнале македонско знаме
Матурант и уште едно дваесет идвегодишно момче ноќта кон вторникот биле нападнати оти во холот на хотелот „Континентал“ истакнале македонско знаме.
Според информациите од МВР, инцидентот се случил во понеделникот околу 22.30 часот пред хотелот, кога повеќе лица физички го нападнале деветнаесетгoдишниот матурант и другото момче.Матурантот го удриле со шише во главата и му нанеле расекотина на челото, а другото момче го удриле со тупаница поради што се здобил со oток и црвенило. Околу 2.15 часот во хотелот дошол таткото на матурантот за да ги земе децата по завршувањето на прославата. Додека се движеле со автомобилот „фиат пунто“ на булеварот „Никола Карев“, според нивната пријава, ги следел автомобил „мерцедес“.Во близина на касарната Илинден „ауди“ му го попречил патот на „фиат пунтото“. Оттаму излегле неколку лица со палки и со закана со пиштол, почнале да удираат по возилото, при што сите патници се здобиле со расекотини од стакло.За инцидентот приведено е едно лице во присуство на родител и е задржан за понатамошна постапка. СВР Скопје превзема мерки за расчистување на настанот и пронаоѓање на сите сторители. /крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.