Црна хроника
Навивачи повредиле четворица полицајци оти не им дозволиле да внесат алкохол
Навивачи на фудбалскиот клуб Вардар од Неготино повредиле четворица полицајци бидејќи не им дозволиле да внесат алкохол на стадионот „Гоце Делчев“ во Прилеп.
Инцидентот се случил во средата попладне околу 17.50 часот пред завршувањето на фудбалскиот натпревар помеѓу фудбалскиот клуб Вардар од гостиварското село Форино и фудбалскиот клуб Вардар од Неготино. Навивачите почнале да фрлаат камења кон источната трибина и повредиле четворица полицајци. Приведени биле четири лица од кои три лица поради омаловажување на полициски службеници и едно лице поради фрлање на предмети кон гледалиштето. Причина било тоа што на членови од навивачката група не им било дозволено да внесуваат алкохолни пијалаци на стадионот. Од страна на ПС ОН-Прилеп ќе бидат поднесени пријави./кај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.