Црна хроника
Неофицијално: Четири куршуми во возачот на брканиот автомобил на Партизанска
Возачот од автомобилот кон кого било пукано и се превртел по бркотница на булеварот „Партизански одреди“ по полноќ кон вторникот, се здобил со четири прострелни рани, неофицијално велат болнички извори за Макфакс.
Според засега непотврдените информации, повреденото лице со иницијали Д.Т. од Скопје, било погодено со четири куршуми, во слезената, градите и вратот, и бил контактибилен.
Претходно медиуми објавија дека станува збор за лице кое пред неколку месеци било инволвирано во физичка пресметка во угостителски објект во населбата Аеродром.
Како што беше претходно известено, бркотницата по „Партизанска“ во која учествувале неколку автомобили започнала кај бензинската станица на „Макпетрол“ во правец кон населбата Ѓорче Петров, по што едно од возилата удрило во бетонска жардинера и се превртело на коловозот.
Првичните информации се дека лицето кое веднаш било пренесено на КАРИЛ, било од возилото кое се превртело, кое било бркано од друг автомобил до кој било стрелано кон него.
Местото на инцидентот е блокирано од полицијата. Таму се излезени припадници на единицата „Алфа“ и од службеници на крим-техникна./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.