Несреќа кај Ласкарци: Удрил во ограда и излетал од патот, тројца млади тешко повредени

Четири лица, од кои тројца потешко, се повредени во сообраќајна несреќа што се случила вчера на патот Скопје – Тетово, кај село Ласкарци.

Несреќата се случила околу 21:45 часот кога автомобил „бмв“ со тетовски регистарски ознаки, управувано од Е.К.(23) од с.Палатица, тетовско, удрило во ограда и излетало од патот.

Во несреќата со тешки телесни повреди се здобиле возачот Е.К. и сопатниците М.С.(19) и 15-годишник, додека со телесни повреди се здобил сопатникот Е.К.(20), сите од село Палатица, констатирани во Ургенетен центар при комплекс клиники „Мајка Тереза“.

Известен е јавен обвинител, а увид на местото извршила увидна екипа на СВР Скопје.