Црна хроника
Низ Македонија се апсат лица под сомение дека се членови на IS
Во тек е полициска акција во неколку градови од државава за апсење на лица, за кои постои сомнение дека се членови на терористичката организација, којашто води борби за освојување на територии во Сирија и Ирак, Исламска држав (IS).
Од Министерството за внатрешни работи за Макфакс потврдија дека се спроведува полициска акција и се апсат лица за кои постојат сомневања дека учествувале во војните во Сирија. Конечниот број на приведени не се соопштува, детали за акцијата полицијата ќе соопшти во текот на денов. „Лицата првично се товарат за учество во воени формации во странство, а во Македонија кривично дело е учеството во странски војски, паравоени структури во странство“, вели портпаролот на МВР, Иво Котевски.При претресите во домовите, дел од осомничените не се најдени бидејќи во моментот се борат во редовите на Исламската држава, а дел од нив врбувале македонски државјани за да учествуваат во борбите во Сирија. Станува збор за македонски државјани, но не се исклучува дел од нив да имаат и косовско или друго државјанство.Претреси се извршени во Скопје, Струга, Куманово, Тетово, Гостивар. Во борбите во Сирија досега загинаа десетина македонски државјани кои се бореа на страната на Исламската држава./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.