Црна хроника
Нови 26 кривични пријави во полициската акција „Гора“
Секторот за внатрешни работи Скопје, односно Единицата за економски и компјутерски криминал во текот на месец мај годинава во рамките на операцијата „ Гора’ поднесе 26 кривични пријави против 27 физички лица од Скопје поради постоење основи на сомнение за сторени 27 кривични дела од кои 25 дела „вршење на јавен превоз без поседување на лиценца“„пустошење на шума“ и „кражба“.
Во случаите во кои се поднесени кривични пријави поради постоење основи на сомнение за сторени кривични дела „вршење јавен превоз без поседување на лиценца“, 25-те пријавени лица, кои се на возраст од 23 до 58 години, се јавуваат во улога на возачи на товарни моторни возила кои за сметка на правни лица во голем број наврати вршеле јавен превоз на стоки -дрвени асортименти, од местото на сеча до складишта без да поседуваат лиценца за вршење на јавен превоз на стоки во внатрешниот патен сообраќај издадена од Министерството за транспорт и врски на Република Македонија.
Против 39-годишно лице од Скопје поднесена е кривична пријава поради постоење основи на сомнение за сторени кривични дела „пустошење на шума“ и „кражба“ и против 25-годишно лице, исто така, од Скопје поради постоење основи на сомнение за сторено кривично дело „кражба“.
Имено, кривично дело „пустошење на шума“ првопријавениот го сторил во локацијата Дол, во Општина Петровец, каде што со рачна моторна пила соборил повеќе стебла даб во количество од 1,40 кубни метри огревно дрво. При обид да биде легитимиран од страна на полициски службеници од полициската единици „Алфа“ пријавениот се дал во бегство. На местото на настанот биле пронајдени трактор „553 ИМТ“ со приклучна приколка, исечени дабови дрва, рачнa моторна пила и други предмети. По завршеното вештачење со пријавениот извршен е службен разговор во полициска станица, за настанот известена е Шумска полиција и им се предадени Трактор ИМТ 553 црвена боја, импровизирана приколка и огревно дрво даб во количина од 1,40 м3. Со кривичното дело првопријавениот го оштетил Буџетот на земјата за 9.800,00 денари.
Второто кривично дело „кражба“ двајцата пријавени го сториле со бесправна сеча од туѓа шума каде што исекле повеќе дабови стебла во вкупна количина од 5,20м3, кои потоа ги транспортирале и пренеле до земјениот пат од селото Кожле кон селото Блаце, со намера украдената дрвна маса да ја превезат до селото Петровец, во скопско, за натамошна препродажба. Притоа, на 28-ми април годинава, пријавените дел од бесправно исечените дрва во количество од 1,70 м3 ги натовариле на рачно направена товарна приколка влечена од трактор, но биле забележани и лишени од слобода од страна на полициски службеници.
При контрола од страна на полициски службеници и службеници од Шумска полициска било утврдено дека со тракторот со приколка превезуваат 1,7 м3 огревно дрво, а во непосредна близина биле пронајдени наредени исечени огревни дрва во количина од 3,5 м3 претходно бесправно исечени дрва од туѓа шума./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.