Црна хроника
Обука за сообраќајната полиција за вршење увид во сообраќајки
Практична обука за Процедури за вршење увид во сообраќајни несреќи се одржа деновиве во Центарот за обука во Идризово во рамки на проект финансиран од ЕУ.
Практична обука за Процедури за вршење увид во сообраќајни несреќи се одржа деновиве во Центарот за обука во Идризово во рамки на проект финансиран од ЕУ.
Покрај увид во регуларните сообраќајни несреќи кои најчесто се случуваат, програмата на обуката опфати и процедури за увид во сообраќајни несреќи кои вклучуваат возила за пренос на опасни материјали, несреќи кои вклучуваат возила за придружба, студии на случај за фингирани сообраќајни несреќи и несреќи со бегство од местото на настанот, дигитална форензика, подготовка на извештаи за сообраќајни несреќи во согласност со најдобрите европски практики, како и практична вежба со реконструкција на сообраќајна несреќа.
Обуката ја спроведуваат двајца сообраќајни полицајци од Словенија со долгогодишно практично искуство, Тине Превец и Рајко Симшиќ.
Во обуката беа вклучени 31 полицаец од Скопје, Битола, Тетово, Штип, Охрид, Велес, Струмица и Куманово, како и од Секторот за сообраќајни работи и од Одделот за криминалистичко-технички испитувања и вештачења.
Оваа обука се очекува да придонесе кон унапредување на стандардните оперативни процедури и да ја подобри работата на тимовите за увид во сообраќајни несреќи. Воедно ќе ги зајакне капацитетите на сообраќајните форензичари во утврдувањето на причинско-последичните врски при сообраќајни несреќи.
Оваа обука е прва во серијата обуки предвидени во рамките на овој проект кои ќе се спроведуваат во текот на 2016 година, а кои ќе ги опфатат скоро сите сектори на Бирото за јавна безбедност. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.