Црна хроника
Обвинетиот за убиството на медицинската сестра бил жртва на семејно насилство
Обвинетиот за убиството на медицинската сестра што се случи по Нова година на покривот од Детската клиника во моментот на убиството бил пресметлив, но психијатарот кој му го правел невропсихолошкиот наод анализира дека врз развојот и градењето на неговата личност влијаеле многу околности во семејството.
Психијатарот Ставре Грамов на денешното судење опиша каква личност е обвинетиот Никола Кузмановски, како го опишал убиството, но беше дециден дека во моментот на убиството бил пресметлив и рационално расудувал.Судењето за овој случај почна од почеток бидејќи истекоа 90 дена од првото рочиште, па судијката уште еднаш го праша дваесет идвегодишниот Кузмановски дали останува на својот исказ дека не се чувствува виновен за смртта на десет години постарата Дијана Здравковска која кога била убиена била бремена.Иако на првото рочиште Кузмановски рече дека не чувствува виновен за смртта на медицинската сестра, во средата пред судот го измени својот исказ и рече дека се чувствува како единствен одговорен за смртта на Дијана, но според него, смртта на Дијана не настанала онака како што тврди обвинителството. Грамов го опиша Кузмановски како психолошки здрава личност со одредена специфична пасивна зависност, со проблематичен процес на сепарација и варијација на психосексуален развој и живеење. На 9-ти јануари утрото, на денот кога се случи убиството Кузмановски имал закажано преглед кај психијатар за неколку дена.По убиството, на првата средба со психијатарот Грамов, тој воопшто не сакал да соработува, но на втората средба имал неодолива потреба да зборува за убиството и за него. Се наоѓал во анксиозна и депресивна состојба со доминантно чувство на вина. Психијатарот не ги изнесе деталите за тоа како Никола му го опишал убиството, бидејќи судот така одлучи, но при вкрстеното испрашување на обвинителството и одбраната, психијатарот читајќи еден од цитатите во неговиот наод, прочита дека за време на расправијата Дијана му рекла на Никола „Кој си ти да ми бараш ДНК“.Никола и Дијана најверојатно се расправале за нејзината бременост и Никола побарал да се направи ДНК анализа и да се утврди од кого е бебето, со оглед на тоа што Диана била во брак.Психијатарот повеќе зборуваше за тоа каква личност е Никола, врз чиј развој големо влијание имала семејната ситуација, односно тоа што тој и неговата мајка, биле жртви на семејно насилство.„Се работи за протективна, заштитничка мајка и татко кој бил чиста спротивност. Имал проблеми со зависноста од алкохол и поради тоа го изложувал семејството на насилство. Во неколку наврати имале физички и вербални расправии. Во подоцнежниот период Никола се поставил како заштитник во однос на мајка му. Инаку е нормална, дружељубива личност со нормален развој. Имаше потреба да зборува за својот интимен живот, за последната врска којашто ја детализираше. Имаше тенденција да се прикаже повеќе мажествено“, рече Гермов.Во судницата присутни беа и таткото и мајката на Никола и ова навраќање на насилството во нивното семејство предизвика солзи и тага. Првин почна мајката да плаче, па потоа и Никола кој ја гледаше мајка си и плачеше.Обвинетиот им го опишувал убиството на психијатрите многу детално и дури барал од нив и тие да учествуваат во реконструкција на настанот, за да може подобро да им опише како изгледало и начинот на којшто се случило.„Имаше тенденција да се прикаже дека тоа било несреќен случај, но нас не не разубеди“, рече психијатарот.Гермов ова го објаснува како механизам на искривено мислење, механизам којшто може да биде и свесен и несвесен. „Може и самиот да верува во тоа и претпоставувам дека тоа беше последниот одбранбен механизам во една таква ситуација за да сочува личноста и да не се распадне, бидејќи во ваква ситуација може да има и други исходи“, објаснува Гермов.Психијатарот проценил дека Кузмановски бил пресметлив за време на убиството, во него постоел афективен набој, но тој афект не бил со таков интензитет да ги поремети психичките функции. „Нема убиство без афект и кај најладнокрвниот убиец кој нишани со снајпер постои афект, но има варијации“, рече Гермов.Тој цени дека Кузмановски имал уредна перцепција, бил способен да го сфати значењето на делото.Убиството се случи на 9-ти јануари на поткровјето на Детската клиниката. За тоа што се случило, освен Гермов, свое вештачење пред судот ќе претстави и технички советник кој го предложи одбраната.Според обвинителството, смртта на Дијана настапила со задушување со притискање и со затворање со шаката на устата и носот и оштетувања на вратот.Според одбраната на обвинетиот, пак, смртта настапила како последица на кршење на черепот предизвикан од пад и со задушување. Според нив, тоа бил настан со несреќни околности. Една седмица пред трагичниот настан Дијана му кажала на сопругот дека е бремена, а пред убиството и обвинетиот знаел дека жената е гравидна.Дијана и Никола, и двајцата од скопското село Петровец, биле во врска и се гледале подолг временски период./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.