Црна хроника
Обвинетиот за убиството: Немав намера да го убијам Ангел
Немав намера да го убијам Ангел, изјави во понеделникот обвинетиот Насер Ештрефи кој се товари дека на 19-ти мај минатата година го уби матурантот Ангел Петковски во скопската населба Ѓорче Петров. Тој тврдеше дека со него, освен мобилен телефон, цигари и малку пари, не носел ништо. Тврдеше и дека не носел нож и не му е јасно како ножот се нашол на насипот, кога и таткото на Ангел тврдеше дека со себе не носеле ножеви.
Ештрефи, кој кога се случи убиството имал 18 години, на едно од рочиштата се изјасни дека не се чувствува виновен за убиството на неговиот врсни Ангел, а денеска ја кажа својата веризја за тоа што се случило на патеката на насипот кај мостот во Ѓорче Петров, кој води на кај селото Сарај.Пред да стигне во дворот на куќата на семејството Петковски во населбата Ѓорче Петров, Ештрефи јадел донер и бил сам. Во дворот на куќата не забележал никој, го видел велосипедот и го зел. Во тој момент некој од дворот на куќата почнал да му вика „Застани, застани…“. Обвинетиот на десет метри од куќата го фрлил велосипедот на асфалтирана уличка и почнал да трча. Кога видел дека никој не го брка почнал да оди полека кон Европската очна болница, за да си оди кон дома. Спроти болницата имало паркирано автомобил, а на хаубата на автомобилот стоел дуксер. Продолжил да се движи кон мостот и го видел Ангел како се качува пред него на скалите на насипот.Според неговата верзија, Ангел го чекал на бекатонската патека на насипот, и го фатил за врат и почнал да го дави и да го прашува „од кај е..“. „Пред удолницата на насипот ме удри со бокс во тилот“, раскажа Насер.Тој се спуштил по удолницата кон мостот, а таму се појавил таткото на Ангел, Сашо Петковски, и почнал да го удира со дрво. Паднал на земја, а како што потенцираше, ударите не престанувале. Успеал да стане и меѓу него и Ангел забележал нож и го зел. Но, ударите продолжиле и пак легнал на земја. Повторно успеал да се исправи и после, како што изјави, не знаел ни кого удира со ножот, ни како удира.Избегал и се сокрил зад куќа, зад Европската очна болница, а кога забележал дека пред куќата стоело полициско комбе отишол кај полицајците и сам се предал.Обвинителството го товари Насер од селото Грчец дека од дворот на куќата на семејството Петковски во Ѓорче Петров го украл велосипедот на Ангел, а потоа со нож го прободел матурантот. /крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Мотоциклист удри во пешак на „Партизанска“, двајцата повредени
Синоќа, на булеварот Партизански одреди во Скопје, мотоцикл „дукати“, со скопски регистарски ознаки, управуван од Е. П. (27) од Скопје, удрил во пешакот Н. Ѓ. (30) од с. Рашче, Скопско.
Во несреќата тешки телесни повреди добил пешакот, а мотоциклистот добил телесни повреди, констатирани во комплексот клиники „Мајка Тереза“ Скопје, објави МВР.
Извршен бил увид од екипа на СВР Скопје.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.