Црна хроника
Обвинетиот за убиството во „Ѓорче Петров“ осуден на 14 години затвор
Кривичниот суд го осуди на 14 години затворска казна обвинетиот, Насер Ештрефи, за убиството на матурантот Ангел Петковски што се случи на 19-ти мај минатата година во скопската населба „Ѓорче Петров“.
Обвинителството и одбраната на обвинетиот останаа на своите становишта кои ги бранеа во текот на целото судење. Според обвинителството, обвинетиот го сторил делото со умисла, додека одбраната тврди дека станува збор за нужна одбрана, односно дека Ештрефи реагирал бидејќи бил нападнат од Ангел и неговиот татко.Во својот исказ обвинетиот пред судот рече дека немал намера да го убие Ангел и рече дека не се чувствува виновен. Ножот со којшто беше убиен Ангел сé уште не е најден. И таткото на Ангел, Сашо Петковски, и обвинетиот тврдат дека со себе не носеле нож.Инцидентот се случи кога обвинетиот Ештрефи од скопското село Грчец, украл велосипед од дворот на семејната куќа на Петковски.Таткото и синот го виделе, тргнале кон крадецот и му го блокирале патот да не побегне кон мостот што од населбата „Ѓорче Петров“ води кон селото Сарај.Според обвинението, обвинетиот извадил нож со еднострано сечило и замавнал двапати кон Ангел нанесувајќи му убодна рана на десната страна на градниот кош. Таткото на Ангел потоа го нападнал осомничениот со дрвен стап, по што обвинетиот избегал. Обвинетиот пак тврдеше дека ножот го видел на земјата и замавнувал со него, за да се одбрани.Таткото заедно со повреденото момче се упатиле до Европската очна болница да побараат медицинска помош, но момчето почина. По убиството на матурантот во скопската населба имаше протести коишто ескалираа па имаше и повредени и приведени./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.