Црна хроника
Обвинетите од случајот „Дива населба“ не се чувствуваат виновни
Сите 29 обвинети за настаните од ланскиот мај во кумановската Дива населба се изјаснија дека не се чувствуваат виновни за делата кои им се ставаат на товар – тероризам и учество во терористичка организација.
Сите 29 обвинети за настаните од ланскиот мај во кумановската Дива населба се изјаснија дека не се чувствуваат виновни за делата кои им се ставаат на товар – тероризам и учество во терористичка организација.
Двајца од обвинетите, Сами Укшини и Генци Сефа рекоа дека не се чувствуваат виновни, не негираа дека биле дел од настаните. Трет обвинет пак рече дека бил во Куманово само на 9 мај и дека со обвинението сака да се прикрие вистината.
Укшини кој првични рече дека делумно ја признава вината, по консултациите со својата одбрана и откако судијката му објасни дека треба да се изјасни само за делата коишто му се ставаат на товар изјави дека не се чувствува виновен за кривичните дела од обвинението.
„За тие дела не сум чувствувам виновен, но не дека не се чувствувам виновен за тоа што сум бил на тоа место“, рече Сами Укшини.
Генци Сефа, пак, изјави дека не негира оти е припадник во организирана група, но не се чувствува виновен за кривичните дела. Неговиот адвокат притоа појасни дека не негира дека бил дел од настаните.
Сите останати обвинети се изјаснија дека се чувствуваат невини. Дел од нив коментираа дека не се терористи, и оти се „обвинети за тероризам бидејќи се Албанци“. Некои негираа и дека некогаш биле во Куманово или во Гошинце.
Во моментов воведен збор даваат адвокатите на обвинетите. Адвокатот Шазивари Исени кој застапува повеќе од обвинетите рече дека обвинението нема никакви докази, ниту правна основа за обвинување за тероризам и терористичка организација.
Најголем дел од обвинетите се косовски државјани, другите се од Куманово и кумановско и скопските села, а има и иден Албанец со германско државјанство. Повеќето завршиле средно образование, но меѓу обвинеите има и високо образовани, информатичари, фотографи, новинари, вработен во МВР. а еден од обвинетите завршил воена академија во Тирана и криминалистика во Приштина.
Од водачите групата на обвинетилената клупа седнаа Сами Укшими, командант Соколи и Мухамед Красниќи, командант Малишева, додека другите двајца водачи Бег Ризај и Мирсад Ндрецај, официјално, загинаа во борбите.Во јавноста се појавија информации дека разузнавачи од македонските тајни служби биле вмешани во договарање на инцидентите во Куманово, а се објавија и разговори меѓу Ндрецај и агент од македонските тајни служби.
Еден од роднините на обвинетите пред почетокот на судењето даваше изјава за медиумите на албаснки јазик, но не сакаше да зборува ниту на македонски, ниту на српски, велејќи дека не ги знае овие јазици.
Неофицијално во изјавата рекол дека обвинетите дошле да војуваат во Македонија за идеали, но биле измамени од вршхушката на Македонија и на Косово./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против битолчанец, ставил под хипотека туѓ недвижен имот во Охрид и стекнал корист од 352 илјади денари
СВР Охрид поднесе кривична пријава против 61-годишниот К. Р. од Битола поради постоење основи на сомнение за сторени кривични дела неизвршување судска одлука и самовластие.
„Тој, свесно и спротивно на судска пресуда, става под хипотека недвижен имот во Охрид сопственост на друго лице и на тој начин стекнал противправна имотна корист од 352.000 денари“, велат од СВР Охрид.
Топ
Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец
Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против правно лице од Скопје за сторено кривично дело узурпација на недвижности од чл. 225 од КЗ на РСМ.
А. Р. како сопственик и управител на второпријавеното правно лице подолг временски период противправно завладеал имот, сопственост на државата, и го ставил во владение на своето правно лице.
Имотот што се наоѓа веднаш до цветниот пазар зад Поликлиниката ‘Бит-пазар’ во Скопје, кој претставува градежно неизградено земјиште во општа употреба во сопственост на државата, А. Р. противзаконски го оградил со наплатна рампа и куќарка за наплата на влез-излез на предметното земјиште, каде што за секој влез-излез наплаќал соодветен паричен надомест и на тој начин го оневозможил слободното движење и користење на предметниот простор од страна на граѓаните и институциите на РСМ.
Црна хроника
Уапсен 39-годишник од Студеничани, возел „џип компас“ евидентиран во базата на Интерпол како украден
Вчера попладне, во 15.40 часот, на граничниот премин Долно Блаце, полициски службеници го лишиле од слобода 39-годишниот Џ. Р. од село Црн Врв, општина Студеничани, извести МВР.
„При извршена гранична контрола било констатирано дека патничкото возилото ‘џип компас’, со италијански национални ознаки, кое го управувал, сопственост на правно лице од Италија, е евидентирано во базата на Интерпол како украдено“, соопшти МВР.
Тој бил задржан во Полициското одделение Мирковци, а возилото било одземено за понатамошна постапка. По целосно документирање на случајот, ќе биде поднесен соодветен поднесок.