Црна хроника
Обвинителството бара повисока затворска казна за убиството на малата Мевљана
Јавното обвинителство поднесе жалба на пресудата на Основниот суд Скопје 1 Скопје и бара повисока затворска казна за невенчаните сопружници кои се осудени дека до смрт ја претепаа малата Мевљана на 21-ти март минатата година.
Сопружниците Џемаил Браими и Јасмина Махмуд на 27-ми март годинава беа осудени на по 20 години затвор за убиството на тригодишното девојче, но јавниот обвинител во овој случај смета дека изречената казна е недоволна.„Обвинителството незадоволно од Пресудата поднесе жалба сметајќи дека изречената казна е недоволна за вакво кривично дело дотолку повеќе што во случајот доминираат отежнителните околности, бидејќи се посегнува по живот на тригодишно девојче, како и отсуството на покајување на обвинетите во текот на процесот. Кривично правниот настан согледан во целина со сите околности кон него, според надлежниот јавен обвинител, заслужуваат преиспитување од страна на повисок суд“ , соопштуваат од Основното јавно обвинителство Скопје.Обвинителот во овој случај, Дарко Јакимовски, во завршните зборови побара да се казнат двајцата сопружници, бидејќи како што рече, заштитата на детето е највисоко на пиедесталот во секое современо општество и никој нема право независно дали за тоа постои причина да посегнува по животот на детето.Обвинетите пак, до последното рочиште тврдеа дека не го убиле девојчето, туку дека се случил несреќен случај.Според обвинението, двајцата сопружници ја чувале Мевљана и нејзиното братче додека мајка им била на работа.Невенчаните сопружници ја претепале малата Мевљана оти се измокрила на килимот. Вештачењето покажало дека девојчето било тепано со тупаници, клоци, притискање со нога, а на вратот имало и знаци на давање.Нејзината мајка побара обвинетите да бидат во затвор додека се живи./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.