Црна хроника
Обвинителството ја истражува сообраќајката на Плетвар
Обвинителството ја истражува сообраќајката што се случи во неделата вечерта на планинскиот превој Плетвар, на патот Градско – Прилеп, во која што загинаа тригодишно девојче и дваесет и тригодишен жител на прилепското село Голем Радобил.
Надлежен јавен обвинител од Основното јавно обвинителство Прилеп изврши увид на местото на настанот и издал наредби за анализа на крв на учесниците во сообраќајната незгода, наредба за вонреден технички преглед и наредба за обдукција на починатите лица за утврдување на причините на смртта.Според информациите од обвинителството, автомобилот „волксваген шаран“, со коешто управувал четириесет и осумгодишен жител од скопското село Драчево, се судрило со комбе „пежо експорт“ со бугарски регистерски таблици, со коешто управувал дваесет и тригодишниот Горан Ц. од Радобил.Од силината на ударот на лице место починале возачот на пежото и тригодишно девојче сопатник во возилото „волксваген шаран“.Тешко повредена е педесет и деветгодишна жена, а со телесни повреди се здобила триесет и двегодишна жена и две деца на возраст од една и седум години, кои се возеле во „волксваген шаран“.Во сообраќајката учествувал и камион „МАН“ со битолски регистерски ознаки и најверојатно возилата се судриле при претекнување на камионот./крај/мф/ффс
Извор: Фото:архива
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.