Црна хроника
Ограбени три цркви во скопско
Три кражба на цркви се случиле изминативе денови во скопско.
Првата кражба се случила во периодот од 15 до 21 март во скопското село Добри Дол во црквата „Свети Спас“. Непознат сторител го скршил катанецот на влезната врата од црквата и влегол во трпезаријата од каде украл околу 5.200 денари во разни апоени, а потоа го напуштил местото на настанот
Вечерта во петокот спроти саботата на улица „Христо татарчев“ на местото Теферич во населбата Припор, непознат сторител ја ограбил црквата „Св.Преображение“. Насилно делувал на влезната врата, влегол внатре и по извршено пребарување одзел околу 500 денари, а потоа избегал.
Истата вечер ограбена е и црквата „Св Никола“ во село Горно Соње. Непознат сторител извршил тешка кражба на тој начин што насилно делувал на влезната врата, влегол внатре и одзел околу 10.000 денари во разни апоени и избегал. Се преземаат мерки за пронаоѓање на сторителите./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.