Црна хроника
Ограбено тобако кај Расадник
Две непознати лица во сабота рано изутрината ја украле металната каса и неколку штеки цигари од тoбако „Томи“, кое се наоќа во близина на спортската сала Расадник во Скопје.
Според МВР, околу 02.35 часот во Скопје, на ул.„Народни Херои“, две непознати лица се обиделе да влезат во тoбако „Томи“ преку влезната врата која била заклучена.
Откако не успеале да ја отворат насилно го скршиле изложното стакло од каде oдзеле неколку штеки цигари и притоа му упатиле сериозни закани на вработениот и му побарале да им ја даде металната каса во која имало пари од дневниот промет. Ја земале касата и со трчање избегале во непознат правец.
Се преземаат мерки за целосно расчистување на случајот./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.