Црна хроника
Опожарени две возила во Ново Лисиче
Две возила се опожарени во скопската населба Ново Лисиче, ноќта во вторникот кон среда, а во инцидентот нема повредени, соопштува полицијата.
Како што велат од МВР за „Макфакс“, две возила и тоа џип „Гранд Чероки“ и автомобил „Фиат уно“, биле опожарени триесетина минути по полноќ, на паркинг простор на булеварот „Видое Смилевски – Бато“, во Ново Лисиче.Џипот „Гранд Чероки“ е во сопственост на Г.Д. (1978) и е со скопски регистарски таблички, а „автомобилот „Фиат уно“ исто така со скопски регистарски таблички е во сопственост на А.М. (1983).Полицијата во текот на денот врши увид са причините на опожарувањето како и на начинот на кој тоа е извршено, но од полицијата ја отфрлија можноста дека е подметната бомба под џипот, како што пишуваа некои медиуми./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.