Црна хроника
Откриена импровизирана лабораторија за производство на марихуана
Во изнајмен стан во Скопје полицијата откри импровизирана лабораторија за производство на високо квалитетна марихуана, сканк.
Триесет и двегодишен скопјанец во февруари годинава изнајмил стан без договор за закуп и набавил опрема потребна за лабараториско одгледување и производство на растението „канабис сатива“ и нелагално набавил семки од марихуана.Во две простории од станот инсталирана е софистицирана опрема која се користи за создавање на погодни услови за одгледување на марихуана во импровизирана лабараторија при што пронајдени се 105 саксии насади со канабис, две големи најлонски црни вреќи исполнети со гранки и листови од канабис, 13 сијалици, 19 пластични шишиња, пластична туба,, кујнска вага, керамичко луле, пумпа за прскање, зипер кеси со 18 семки од канабис, ампула со четири семки од канабис, пакување за ризла, зипер со грутка хашиш и друго.По инсталирањето на нелегалната лабораторија во повеќе саксии засадувал семки со растението коишто планирал да ги одгледува до достигнување на одредена висина на садниците и достигнување на потребната концентрација на ТXC вредноста, по што ги обработувал (сечел, сушел и пакувал) заради понатамошна продажба, а со цел стекнување на противправна имотна корист. Исто така од засега непознато лице неовластено набавил наркотична дрога хашиш по цена од 300 евра заради понатамошна препродажба.Одземената растителна материја по наредба на Јавен Обвинител е предадена во Одделот за криминалистичко-технички испитувања и вештачења при МВР на РМ. Од завршеното вештачење утврдено е дека 103 стебла се растение канабис сатива со висина до 1,2 метри, а додека пак две стебла се со висина до 20 см. Исто така при вештачењето констатирани се и 91 семка канабис, 30,2 грами марихуна, 388,2 грама хашиш.Против скопјанецот поднесена е кривична пријава поради постоење основи на сомнение за сторено кривичното дело „неовластено производство и пуштање во промет наркотични дроги, психотропни супстанции и прекурсори” предвидено и казниво по член 215 став 1 од Кривичниот законик на Р. Македонија, а од страна на судија на претходна постапка на пријавениот му е одредена мерка притвор во траење од 30 дена./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.