Црна хроника
Откриени 24 мигранти во камион
Мешовит полициски тим од Македонија и Хрватска открила 24 мигранти во камион „форд транзит“ во четвртокот вечерта околу 21.30 часот.
Полицајците го забележале камионот со скопски регистерски ознаки кај селото Удово како со голема брзина се движи во правец на Демир Капија.
Полицајците се упатиле кон него но кога му дале знак да застане, камионот ја зголемил брзината и продолжил да се движи, се исклучило од магистралниот пат и продолжило да се движи по земјен пат, каде на 50 метри возачот го запрел возилото.
Тој избегал, а при контрола на камионот биле откриени 24 мигранти, од кои 16 од Авганистан, три од Ирак и пет од Иран, кои се донесени во ПС-Неготино.
По консултација со ЈО седум лица биле сместени во Прифатниот Центар за Странци на МВР, додека останатите 17 лица се вратени во Грција. Се преземаат мерки за пронаоѓање на возачот кој го управувал возилото и целосно расчистување на случајот./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.