Црна хроника
Пијан штипјанец упатувал смртни закани на полицајци во дискотеката „Мистик“
Триесет и едногодишен штипјанец им упатувал смртни закани на двајца полицајци во дискотеката „Мистик“, соопшти МВР.
Настанот се случил во саботата, околу 04,10 часот. Полицајците по претходна дојава за инциденти, пристигнале во дискотеката и при обид да го легитимираат И.А.(31) од Штип, кој правел неред, истиот ја одбил нивната наредба и со рацете ги турнал полицајците во пределот на градите, упатувајќи им сериозни закани дека ќе ги нападне.
Со заканите продолжил и во просториите на Клиничката болница-Штип, каде му била укажувана лекарска помош.
И.А. е лишен од слобода, извршено му е алкотестирање и констатирано е присуство на алкохол од 2,41 промили, по што е задржан во полициска станица додека се отрезни.
Против него ќе биде поднесена кривична пријава.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.