Црна хроника
Побарале помош од полицијата па го тепале полицаецот
Мајка и син под дејство на алкохол се карале, па полициски службеници интервенирале, по што двајцата почнале да го тепаат полицаецот во штипско Ново село.
Имено,во вторникот, во 23.40 часот на бензинската пумпа во населбата Ново село во Штип, полициски службеници сакале да спречат нарушување на јавниот ред и мир, меѓу Л.В.(50) и Е.В.(28) од село Лакавица, кои се карале, викале и непристојно се однесувале. При тоа Л.В. побарала од полициските службеници да го спречат нејзиниот син Е.В. во намерата да управува автомобил бидејќи бил под дејство на алкохол. Полицискиот службеник на Е.В. му наредил да не го стартува автомобилот и да излезе од него, по што тој физички го нападнал полицискиот службеник. Тој бил физички нападнат и од Л.В. Мајката и синот биле приведени во полициска станица Штип каде им било извршено алкотестирање при што кај Е.В. е утврдено присуство на алкохол од 2,00 промили, додека кај Л.В. 0,64 промили и по целосното документирање на случајот ќе следи соодветен поднесок./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.