Црна хроника
Полицаец фатен како шверцува мигранти
Полицаец од Скопје заедно со уште еден скопјанец биле фатени како криумчарат мигранти, па против нив е поднесена кривична пријава, а на полицаецот му е одреден и триесетдневен притвор.
На 29 октомври дваесет и деветгодишниот полицаец се договорил со скопјанецот за пари да превезат мигранти од Гевгелија до Скопје, за нивно понатамошно криумчарење кон западноевропските земји.Со две возила се упатиле кон Гевгелија каде ги натоварел мигрантите во возилата и се упатиле кон Демир Капија. Во близина на селото Милетково патролни тимови на полицијата го зарпеле возилото на скопјанецот. Но тој не застанал на знакот на полицајците и избегал, додека во возилото биле најдени шест сириски мигранти, петмина возрасни и едно дете.Полицајците забележале уште еден автомобил „голф 3“ кој го управувал полицаецот, на паркинг простор кај село Милетово како истовара петмина мигранти. Полицаецот го завртел возилото и се упатил кон Гевгелија но бил стигант кај село Смоквица и приведен во полиција. Мигрантите не биле најдени.Полицаецот и другиот скопјанец биле приведен и против нив е поднесена кривична пријава, а на полицаецот му е одреден и притвор во траење од 30 дена./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против битолчанец, ставил под хипотека туѓ недвижен имот во Охрид и стекнал корист од 352 илјади денари
СВР Охрид поднесе кривична пријава против 61-годишниот К. Р. од Битола поради постоење основи на сомнение за сторени кривични дела неизвршување судска одлука и самовластие.
„Тој, свесно и спротивно на судска пресуда, става под хипотека недвижен имот во Охрид сопственост на друго лице и на тој начин стекнал противправна имотна корист од 352.000 денари“, велат од СВР Охрид.
Црна хроника
Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец
Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против правно лице од Скопје за сторено кривично дело узурпација на недвижности од чл. 225 од КЗ на РСМ.
А. Р. како сопственик и управител на второпријавеното правно лице подолг временски период противправно завладеал имот, сопственост на државата, и го ставил во владение на своето правно лице.
Имотот што се наоѓа веднаш до цветниот пазар зад Поликлиниката ‘Бит-пазар’ во Скопје, кој претставува градежно неизградено земјиште во општа употреба во сопственост на државата, А. Р. противзаконски го оградил со наплатна рампа и куќарка за наплата на влез-излез на предметното земјиште, каде што за секој влез-излез наплаќал соодветен паричен надомест и на тој начин го оневозможил слободното движење и користење на предметниот простор од страна на граѓаните и институциите на РСМ.
Црна хроника
Уапсен 39-годишник од Студеничани, возел „џип компас“ евидентиран во базата на Интерпол како украден
Вчера попладне, во 15.40 часот, на граничниот премин Долно Блаце, полициски службеници го лишиле од слобода 39-годишниот Џ. Р. од село Црн Врв, општина Студеничани, извести МВР.
„При извршена гранична контрола било констатирано дека патничкото возилото ‘џип компас’, со италијански национални ознаки, кое го управувал, сопственост на правно лице од Италија, е евидентирано во базата на Интерпол како украдено“, соопшти МВР.
Тој бил задржан во Полициското одделение Мирковци, а возилото било одземено за понатамошна постапка. По целосно документирање на случајот, ќе биде поднесен соодветен поднесок.