Црна хроника
Полицијата фатила шлепер со мигранти, дел од нив ја исекле церадата и избегале
Полицијата фатила шлепер полн со имигранти, а дел од нив успеале да избегаат откако ја пресекле церадата на камионот.
Шлеперот бил запрен утрово околу 7.30 часот на подрачјето на Велес, поточно во близина на раскрсницата од Скопје – Велес – Штип.За време на вршење на контрола на возилото, имигрантите ја исекле церадата на приколката, по што дел избегале. По преземени мерки и активности од страна на полициските службеници, пронајдени и фатени се 15 мигранти од Сирија, од кои 11 возрасни и четири деца.Шлеперот којшто криумчарел мигранти го управувал четириесетгодишен скопјанец против којшто ќе биде поднесена кривична пријава. Мигрантите од Грција преку Македонија, требало да се прокриумчарат кон Србија, со крајна цел некоја од западноевропските земји./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.