Црна хроника
Полициски единици распоредени во Гошинце
Теренот околу караулата Гошинце на северната граница кон Косово, која ноќта кон вторникот беше цел на напад на поголема група вооружени униформирани лица, е обезбедуван од полициски единици и се создаваат услови за непречено и безбедно одвивање на увидот, потврди во вторникот попладне помошник министерот за односи со јавност во Министерството за внатрешни работи, Иво Котевски, откако медиумите регистрираа позначително присуство на полицијата во Липковскиот регион.
Котевски, во изјавата за медиумите, потврди дека се направени и контакти со косовските власти, како и дека во среда се очекува да се одржат состаноци на највисоко ниво. Комуникација и средби се планирани и со претставниците на српските безбедносни структури.
Како што претходно во вторникот соопшти Министерството за внатрешни работи, поголема вооружена група од 40-ина лица изминатата ноќ во 2.30 часот ја нападнала караулата Гошинце во близина на границата на Македонија со Косово при што биле заробени четворица полициски службеници кои биле дежурни во караулата. Напаѓачите носеле униформи со амблеми на УЧК и зборувале на албански јазик.
„Ние сме од УЧК. Пренесете дека ни Ахмети ни Груевски може да ве спаси. Не сакаме охридски договори, никој не смее да дојде. Сите ќе ве ликвидираме. Сакаме наша држава“, рекло едно од униформираните лица, информираше Котевски на денешната прес-конференција во МВР.
Според првичните информации на полицијата, лицата се од Косово и според засега непотврдени сознанија неколкумина од нив веќе се идентификувани, но се преземаат мерки за обезбедување дополнителни докази. Министерството за внатрешни работи случајот го карактеризираше како терористички напад./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.