Црна хроника
Полициски службеник посредувал при криумчарење мигранти
Одделот за сузбивање на организиран и сериозен криминал во четвртокот поднесе кривични пријави до Основното Јавно Обвинителство против две лица, од кои едното било вработено како полициски службеник, двајцата од Скопје поради сомневање за сторено кривично дело “Криумчарење на мигранти“, соопштуваат од Министерството за внатрешни работи.
„По претходно добиено оперативно сознание за можно илегално пренесување на група мигранти на подрачјето на Гевгелија, беа превземени мерки и активности за откривање, попречување и лишување од слобода на инволвираните Г.В. роден 1976, познат како „Вампир“ и Љ.Н. роден 1974 година, познат како „Бели“, вработен како полициски службеник во МВР на Република Македонија. Пријавените, по претходен договор со засега непознато лице, на подрачјето на с.Стојаково – Гевгелија, извршиле прифаќање и превоз на 12 лица – илегални мигранти, со намера да ги транспортираат до кумановскиот регион, со цел нивно понатамошно криумчарење кон Р.Србија и кон земјите на ЕУ“, се вели во соопштението од Министерството за внатрешни работи.
Осомничените со теренско возило „Пинцгауер“, на кое поставиле македонска полициска регистарска таблица, се упатиле кон реонот на Гевгелија за да ги прифатат и да ги превезат 12 те илегални мигранти кои претходно оствариле нелегален влез од територијата на Р.Грција и биле сместени во близина на Стојаково.
Од таа позиција имигрантите својот пат требало да го продолжат со помош на Г.В и Љ.Н. кои околу 01 и 45 часот ги презеле со теренското возило и се упатиле кон Гевгелија од каде продолжиле на автопатот кон Удово.
Припадници на Министерството за внатрешни работи се обиделе да го запрат возилото, но осомничените ја игнорирале полициската сигнализација и веднаш се дале во бегство.
На оддалеченост од околу 3 км. од с.Удово и осомничените и мигрантите го напуштиле возилото и избегале во непознат правец, по што отпочнала теренска потрагата.
Во близина на возилото набрзо биле пронајдени и фатени 12-те мигранти меѓу кои 11 сириски и еден авганистански државјанин на возраст од 18 до 40 години.
По преземени дополнителни оперативни мерки и активности, утврден е идентитетот на сега веќе пријавените лица, по што истите биле пронајдени и веднаш биле приведени во ПС Кисела вода.
Инаку, откривањето на кривичните дела од илегалната миграција, во првото полугодие од годинава е во пораст за 20%, а според анализираните случаи нашата држава во главно е транзит земја, каде поминуваат мигрантите, велат од МВР./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.
Црна хроника
Кривична пријава против директорот на ЈП „Стрежево“ од Битола: набавил стар ратрак, а го платил како да е нов
Одделот за криминалистичка полиција, по добиената наредба од ОЈО Битола, презеде предистражни дејства и по обезбедената документација и извршен увид во неа, до ОЈО Битола, во координација со СВР Битола, поднесе кривична пријава против М. Г. од Битола, директор на ЈП „Стрежево“ од Битола за кривично дело злоупотреба на службената положба и овластувањето по чл. 353 од КЗ и злоупотреба на постапката за јавен повик, доделување договор за јавна набавка или јавно приватно партнерство од чл. 275-в од КЗ во врска со чл. 22 и против Љ. М. П. од Битола, управител на правно лице од Битола.
Имено, М. Г., знаејќи дека правното лице во текот на 2018 имало набавено тапкач на снег – ратрак, спровел постапка за јавна набавка на ратрак за потребите на ЈП „Стрежево“ од Битола со точно одредени технички карактеристики на потребниот ратрак како тој што го поседувало правното лице од Битола и да не е постар од 1995 година, на кој оглас како најповолен економски оператор понудувач било избрано предметното правно лице од Битола, а Љ. М. П. на конкретниот оглас доставила понуда со невистинити податоци дека ратракот што го нуди е произведен 1995 година, иако знаела и била свесна дека ратракот што го поседувала е произведен 1993 година, по што бил склучен договор со наведеното правно лице на износ од 1.875.967 денари, без ДДВ, иако ратракот бил купен од странство за 414.492 денара, односно тој бил набавен од ЈП „Стрежево“ од Битола за 4,5 пати повисока цена од набавната и за износот од 1.875.967 денари М. Г. го оштетил јавното претпријатие, а Љ. М. П. стекнала противправна имотна корист.
Црна хроника
Мопед излетал од патот, возачот тешко повреден
Вчера, во 13 часот, во Полициската станица Кочани било пријавено дека на улицата Стамен Манов во Кочани, В. Џ. (51) од Кочани, управувајќи мопед со кочански регистарски ознаки, излетал од коловозот.
Во несреќата тешки телесни повреди добил возачот, констатирани во Општата болница во Кочани.
Извршен бил увид од екипа на ОВР Кочани.