Црна хроника
Поранешниот градоначалник на Охрид осомничен за шест кривични дела
Поранешниот градоначалник на Охрид, Александар Петрески е осомничен за шест кривични дела, а според Министерството за внатрешни работи од криминалот што го направил зел повеќе од два милиона денари, легализирал противправна имотна корист во износ од 15.892 денари и примил поткуп од над 700.000 денари.
Осомничен е за „злосторничко здружување“, „злоупотреба на службена положба и овластување“, „перење пари и други приноси од казниво дело“, „оштетување или повластување на доверители“, „фалсификување или уништување на деловни книги“, „примање поткуп“.Во полициската акција „Јагула“ којашто беше спроведена во четвртокот приведени се вкупно 14 лица, еден од осомничените е надвор од земјава, а по друг се трага.Приведени се сите вработени во општина Охрид, кои работеле додека Александар Петрески беше градоначалник. Се сомничат за криминал со злоупотреби при спроведување на постапки за јавни набавки спротивно на законските прописи со привилегирање и во полза на повеќе правни и физички лица блиски до членовите на криминалната група.„Во спроведувањето на своите криминални активности, членовите на злосторничкото здружение биле потпомогнати од седуммина вработени во Општина Охрид во својство на одговорни лица коишто вршеле надзор на извршени работи од спроведени постапки за јавни набавки распишани од страна на општината, на начин што со свој потпис потврдиле како да се извршени ’непостоечки градежни и други услуги’. Тоа го сториле со помош од управители на приватни фирми кои изготвувале и доставувале фактури со невистинита содржина, а изведувале градежни работи во 2007 година по усна наредба на градоначалникот без да биде објавен тендер за јавна набавка. Во текот на 2008 година, првоосомничениот објавил тендери во кои биле содржани и претходно извршените работи од страна на трговските друштва ’Охрид промет’, ’Ташма градба’ и ’Сидро градба’, кои ги добила ’Ина Трејд’. Тие му изготвиле и доставиле фактури со невистинита содржина за неизвршени работи, а исто така опфатиле и дел од веќе извршените работи во 2007 година без тендер и се стекнале со противправна имотна корист“, рече во петокот на прес-конференција помошник министерот за внатрешни работи, Иво Котевски.Буџетот на општина Охрид бил оштетен за над 47 милијарди денари, а сите се стекнале со противправан имотна корист од над 148 милијарди денари од спорните набавки.Останатите уапсени ќе одговараат и за уште едно кривично дело, помагање. Уапсените се изведени пред судија за претходна постапка и моментално се на распит./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.