Црна хроника
Пожарот во Богданци избувал во просторија со над 1.000 пакети плински боци
Пожарот што избувна во четвртокот во фабриката за плински боци „Балкан гасови“ во Богданци почнал во просторијата за полнење на плински боци.
Вештачењето на хард дискот од видео надзорот на фабриката кој бил најден на лице место, треба да ги утврди причините пожарот во којшто загинаа три лица, а двајца се повредени. Причинета е и материјална штета, а во околината на фабриката биле опожарени повеќе возила.Според извештајот на Обвинителството, фабриката се состоела од повеќе простории, во просторијата каде што се пронајдени починатите лица се вршело полнење на мали плински боци, а во просторијата каде што се вршела изработка на плинските боци пред полнење, пак, работеле преживеаните лица.Управителите на фирмата рекле дека во овие простории имало складирано над 1.000 пакети со мали плински боци кои биле спремни за извоз наредниот ден. Освен ова, во дворното место се наоѓале и две цистерни кои во моментот биле полни со пропан бутан гас и една празна цистерна.„Увидот на надлежниот обвинител вчера во фабриката за плински боци траеше цели 12 часа. По негово барање, на лице место беше повикана и увидна екипа од МВР Скопје, составена од вешти лица од областа на хемијата и физиката, заради прибирање докази од местото со цел утврдување на причините за настанување на пожарот во оваа фабрика. Покрај тоа, кон увидот се приклучија и екипи од СВР Струмица и ПС Гевгелија“ соопштуваат од Обвинителството.Извршен е разговор и со единствениот очевидец на настанот, кој единствено можел да потврди дека пожарот започнал од просторијата за полнење на плинските боци.„Надлежниот јавен обвинител издаде Наредби за правење скица од местото на настанот, фотографирање, видео снимка, како и за подигање на остатоците од куќиштето од компјутерската опрема која била поврзана со видео надзорот од целата фабрика. Секторот за комјутерски криминал и дигитална форензика на МВР ќе треба да изврши вештачење на податоците од хард дискот за да се утврдат причините за настанување на пожарот од видео снимките“ додаваат од Обвинителството.Ќе се проверува и целокупната документација за заштита и безбедност при работа, исправноста на функционирањето на машините, како и почитувањето на сите прописи за работа на овој вид дејност.По добивање на сите потребни анализи, вештачења, записници од надлежните органи, надлежното обвинителство ќе одлучи за понатамошниот тек на постапката.Пожарот предизвика неколку експлозии, а во хаваријата загинаа тројца работници, а уште еден со 25 отсто изгореници на телото беше пренесен во специјалната болница за хируршки болести „Св. Наум Охридски“.Само еден работник кој бил на лице место помина со полесни повреди.Според соопштението на МВР, пожарот избуванал од експлозија на гас во објектот. Загинаа педесет и деветгодишниот Златко Д., четириесет и двегодишниот Васко Д.и четириесетгодишниот Благој Д.(40), сите од село Ѓавато, а со изгореници од прв, втор и трет степен по целото тело се здобил В.М.(40) од Богданци.Основното јавно обвинителство – Гевгелија издаде наредба да се изврши обдукција на телата на починатите и да се изврши ДНК анализа, за официјално да се утврди нивниот идентитет.„Обдукцијата на починатите е извршена уште вчера попладне во ЈЗУ Општа болница Гевгелија, но телата не се предадени на семејствата, бидејќи се чека исходот од ДНК анализата која треба да заврши за 3 до 7 дена“ соопштуваат од Обвинителството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.