Црна хроника
Прегазен пешак на регионалниот пат Тетово-Јажинце
– фото илустрација
Пешак загина откако во сабота попладне бил прегазен од автомобил „ауди 80“ на регионалниот пат Тетово-Јажинце, во близина на селото Одри.
Пешак загина откако во сабота попладне бил прегазен од автомобил „ауди 80“ на регионалниот пат Тетово-Јажинце, во близина на селото Одри.
Сообраќајката се случила околу 17:45 часот, кога автомобил со тетовски регистерски таблички, управуван од Љ.А. (54) од тетовското село Лешок, налетал на 52 годишниот Б.Б. од Тетово и го прегазил, по што тој починал на лице место.
Засега не се знаат причините за сообраќајката а увид на местото од несреќата извршиле јавен обвинител, лекар по судска медицина и екипа на СВР Тетово. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Го оградил државното земјиште зад поликлиниката Бит-пазар и наплаќал за приватен паркинг: кривична за скопјанец
Единицата за економски и компјутерски криминал при СВР Скопје поднесе кривична пријава против А.Р. (62) од Скопје и против правно лице од Скопје за сторено кривично дело „узурпација на недвижности“ од чл.225 од КЗ на РСМ.
А.Р. како сопственик и управител на второпријавеното правно лице, подолг временски период противправно завладеал имот сопственост на државата и го ставил во владение на своето правно лице.
А.Р. имотот кој се наоѓа веднаш до цветниот пазар позади поликлиниката Бит Пазар во Скопје, кој претставува градежно неизградено земјиште во општа употреба во сопственост на државата, противзаконски го оградил со наплатна рампа и куќарка за наплата на влез- излез на предметното земјиште, каде што за секој влез- излез наплаќал соодветен паричен надомест и на тој начин го оневозможил слободното движење и користење на предметниот простор од страна на граѓаните и институциите на РСМ.
Црна хроника
Уапсен 39-годишник од Студеничани, возел „џип компас“ евидентиран во базата на Интерпол како украден
Вчера попладне, во 15.40 часот на Граничен премин Долно Блаце, полициски службеници го лишиле од слобода 39-годишниот Џ.Р. од село Црн Врв, општина Студеничани, извести МВР.
„При извршена гранична контрола било констатирано дека патничкото возилото „џип компас“ со италијански национални ознаки, кое го управувал, сопственост на правно лице од Италија, евидентирано во базата на Интерпол како украдено“, соопшти МВР.
Тој бил задржан во Полициското одделение Мирковци, а возилото било одземено за понатамошна постапка. По целосно документирање на случајот ќе биде поднесен соодветен поднесок.
Црна хроника
Уапсена жена во Гостивар, ограбила продавница
Вчера во 13.15 часот во Гостивар, полициски службеници на СВР Тетово – Одделение за внатрешни работи Гостивар ја лишиле од слобода 47-годишната С.Ѓ., која непосредно пред тоа во трговски објект на улица „Илинденска“ во Гостивар противправно одзела неколку предмети, извести МВР.
Одземените предмети биле вратени во објектот, а по целосно документирање на случајот ќе следува соодветен поднесок.