Црна хроника
При физичка пресметка во угостителски објект избоден жител на Долно Седларце
Со убодни рани во градниот кош во петокот во Ургентниот центар во Скопје бил донесен жител на село Долно Седларце кој настрадал при физичка пресметка со свој соселанец, информираат од Министерството за внатрешни работи.
Откако во угостителскиот објект „Булевар“ кој се наоѓа во село Брвеница, тетовско, настанала вербална расправија помеѓу 32 годишниот Н.К. од с.Долно Седларце и С.Д. (22) од Република Германија, се вмешал и И.Ј. (37) кој исто така бил жител на с.Долно Седларце, дошло до физичка пресметка во која со остар предмет со убодни рани во градниот кош се здобил Н.К.
Тој веднаш бил пренесен во Клиничкиот центар во Тетово, но поради сериозноста на здобиените повреди веднаш бил префрлен во Ургентниот центар во Скопје, информираат од МВР.
Полициските органи преземаат мерки за расветлување на овој инцидент./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.