Црна хроника
Приведен раководител на подружницата на ЕВН во Куманово, осомничен за примање поткуп
– фото илустрација
Кумановската полиција го уапси Раководителот на КЕЦ Куманово во ЕВН Македонија АД Скопје под сомнение дека примил поткуп.
Кумановската полиција го уапси Раководителот на КЕЦ Куманово во ЕВН Македонија АД Скопје под сомнение дека примил поткуп.
По предходно добиени оперативни сознанија и превземени оперативно тактички мерки во петокот (11.12.), полициски службеници од СВР Куманово го лишија од слобода М.Ј.(55) од Скопје, вработен како Раководител на КЕЦ Куманово во ЕВН Македонија АД Скопје. Во текот на денешниот ден М.Ј. е спроведен во ОЈО Куманово поради основи на сомнение дека сторил кривично дело „примање поткуп“.
Имено, оштетениот кој е сопственик на приватно претпријатие од Куманово кое со ЕВН Македонија од 2014 година имало склучено Рамковна спогодба за сервисирање, реконструкции и монтажа на енергетскиот систем, во четвртокот (10.12) бил повикан од страна на пријавениот, кој директно му побарал до крајот на годинава да му биде исплатена сума од 3.000 евра на име одобрување за наплата на доспеаните фактури, како и заради понатамошно работно ангажирање на неговото приватно претпријатие.
Од страна на оштетениот настанот е пријавен во СВР Куманово и по дадени насоки од страна на Јавниот обвинител од ОЈО Куманово, од оштетениот со Записник привремено се одземени 600 евра и 3.000 денари над кои е извршено криминалистичко техничка обработка, по што истите се вратени на оштетениот.
Вчера, во попладневните часови, врз основа на предходниот договор оштетениот дошол во КЕЦ Куманово и во канцеларијата на М.Ј му ги предал парите. Од страна на полициските службеници од СВР Куманово врз основа на издадена Наредба од Основен суд Куманово извршен е личен претрес на пријавениот при што му се пронајдени предходно криминалистичко-технични обработените банкноти кои со Потврда за привремено одземени предмети му се одземени.
Инаку, во период од крајот на 2014 година па се до почетокот на месецот ноември 2015 година, М.Ј. директно, во повеќе наврати, од оштетениот во вид на награда за наводна успешна меѓусебна соработка побарал и на рака примил сума од 9.500 евра, односно се вкупно побарал и примил сума од 10.100 евра и 3.000 денари. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.