Црна хроника
Прободеното момче син на спортски новинар
Деветнаесетгодишното момче кое беше прободено во неделата вечерта е син на доглгогодишен спортски новинар во МРТВ, Сами Адеми.
На својот Facebook профил тој објави дека неговиот син бил прободен со нож во срцето. Од полицијата официјално сé уште не соопштуваат како се случил инцидентот, и како и од кого бил прободен девентаесетгодишниот Леарт Адеми. Медиумите пишуваат дека момчето било прободено по банална расправија во скопската населба Чаир. Инцидентот го пријавиле во полиција од Градската општа болница „Наум Охридски“ каде што било донесено тешко повреденото дете. Таму го однел неговиот другар, кој исто така бил нападнат, но се здобил со полесни повреди.Момчето по еден час во болницата им подлегнало на повредите. Од МВР соопштија дека имаат приведено лице, со кое се вршат разговори и се утврдува дали е вмешано во убиството./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.