Црна хроника
Сечел шума што бесправно ја присвоил
СВР Куманово во рамки на оперативната акција „Гора“ разоткри криминал и сеча на шума, која жител на сеото Рамно ја присвоил на нелегален начин, а со тоа на Јавното претпријатие „Македонски шуми“ му нанел штета од над милион денари.
Поднесена е кривична пријава против 53-годишниот И.А. од село Опае, општина Липково, поранешен вработен во Агенцијата за катастар во Куманово, поради постоење основи на сомнение за сторени две кривични дела „злоупотреба на службена положба и овластување“ и „фалсификување службена исправа“.Со кривична се здоби и 52-годишниот М.А. од село Рамно, кумановско, поради постоење основи на сомнение за сторени две кривични дела „употреба на исправа со невистинита содржина“ и „пустошење шума“. Во текот на ноември 2015 година И.А. во договор со М.А., без никаков правен основ, оформил три предмети за наводна исправка на техничка грешка по службена должност за седум катастарски парцели од катастарска општина Рамно кои биле во сопственост на Македонија, со вкупна површина од 84.787 квадратни метри.Притоа, во истите внел невистинити податоци за соственоста на парцелите кои откако ги заверил со свој потпис, ги спровел во електронскиот систем во катастарот, префрлајќи ги во сопственост на второпријавениот. По ова второпријавениот преку лиценцираното правно лице ДПТУ Симви компани ДООЕЛ Кратово поднел барање за сеча на дрвна маса, врз основа на што извршил сеча на вкупно 187 кубни метри огревно дрво, оштетувајќи го ЈП Македонски шуми за износ од 1.309.000 денари./крај/мк/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.