Црна хроника
Скопјанка нападната со бејзбол палки, ја бркале две возила на пат кон Скопје
Скопјанка била нападната со бејзбол палки во петокот вечерта кога со своите двајца синови со автомобил „мерцедес“ оделе од Прилеп кон Скопје.
Додека се движеле со автомобилот со холандски регистерски ознаки, пред бензинска пумпа ги пресретнало друго возило марка „мерцедес“ со прилепски регистерски ознаки и се паркирало пред нив. Од возилото излегле едно непознато машко лице и едно непознато женско лице кое го спречувала да направи проблем.
Откако го продолжиле патот, по кратко време ги престигнало комбе, управувано од непознато лице, кое ги удрило во задниот дел од возилото и од страната, а потоа се паркирало пред нив и од комбето излегле неколку непознати лица.
Еден од синовите кој го управувал возилото веднаш го свртил автомобилот кон Прилеп, но комбето ги пристигнало и повторно ги удрило од позади и ги исфрлило од патот, по што се превртеле.
Во тој момент пристигнало и лицето кое го управувало „мерцедесот“ со прилепски ознаки, извадило бејзбол палка и заедно со лицата од комбето кои исто така имале палки почнале да и се приближуваат на жената.
Нејзините синовите избегале, а жената останала сама кај возилото. Лицето кое го управувало „мерцедесот“ ја удрило два пати во пределот на рамото и нозете, по што таа паднала во бессознание.
Полицајци излегле на лице место, а жената и нејзините синови биле префрлени во Медицинскиот центар во Прилеп. На двете лица од „мерцедесот“ им бил утврден идентитетот и по истите се трага, а се работи на утврдување на идентитетот и на останатите лица и нивно пронаоѓање. Се преземаат мерки за целосно расчистување на случајот./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.