Црна хроника
Скопски деликвент и за малолетник ограбувале пешаци од возило без таблички
Единицата за имотни деликти и малолетничка деликвенција при СВР Скопје до надлежното ОЈО Скопје, поднесе кривична пријава против 36-годишниот Д.Б. од Скопје поради постоење основано сомнение за извршени четири кривични дела ,,тешки кражби на дрзок начин“ и едно засега непознато лице за извршено едно кривично дело „тешка кражба на дрзок начин“.
Кривичните дела горепријавените ги извршиле во временскиот период од 7-ми октомври до 10-ти ноември годинава, и тоа три на територијата на општина Кисела Вода и една на подрачје на Аеродром, со што се стекнале со противправна имотна корист од околу 57.700.денари.
Првото кривично дело горепријавените го извршиле заедно, така што додека се движеле со автомобил „шкода фелиција“ без регистерски таблици и откако ја забележале оштетената како се движи по улицата, второпријавеното лице возејќи го возилото ѝ пришол од десната страна, а Д.Б. ја испружил раката преку отворениот прозорец и ја грабнал чантата која оштетената ја носела и во која имало мобилен телефон, лични документи и банкарски картички по што со возилото избегале во непознат правец. Со банкарската картичка од банкомат првопријавениот се обидел да извади пари, при што не успеал во намерата и ја скршил и ја фрлил во шахта во непосредна близина на банката.
Другите три кривични дела Д.Б. ги извршил сам, исто така, движејќи се возилото од кои ги извадил регистарските таблички ги забележувал жртвите како се движат по улица, им приоѓал од десната страна, ја испружувал раката преку отворениот прозорец и им ги грабал чантите по што со возилото го напуштал местото на грабежот.
Откако ќе извршел пребарување во ташните одредени предмети ги земал, а другото го фрлал во контејнер. Во еден случај забележал дека на една од картичките е запишан и ПИН кодот, ја зел картичката и од банкоматот и во два наврата извадил пари кои ги потрошил за свои потреби.
Со првопријавениот минатиот петок во Полициската станица Кисела Вода бил извршен службен разговор кога го појаснил начинот на извршувањето на кривичните дела, а се преземат оперативно тактички мерки за пронаоѓање на второто засега непознато лице, соопштуват од министерството за внатрешни работи.
Инаку Д.Б. на полицијата ѝ е познат како сторител на кривични дела од областа на имотните деликти „кражба“, „разбојништво“ и кривични дела против безбедноста на јавниот сообраќај, како „загрозување на безбедноста на сообраќајот“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.