Црна хроника
Скопски дилер фрлал дрога во дворот на соседите за да куртули од апсење
Триесетгодишен дилер од Скопје заработи кривична пријава откако во неговиот дом во скопски Чаир полицијата пронашла поголемо количество дрога.
Единицата за недозволена трговија со дрога, по добиеното сознание дека пријавениот Ф.Н., кој е уличен дилер на хероин и марихуана, во текот на овој месец од две лица од РМ, неовластено набавил поголема количина на хероин и марихуана, превзеде опсежни оперативно мерки за потврдување на сознанието и собирање на материјални докази.
Откако од страна на полицајците се потврдени сознанијата дека така набавената дрога, Ф.Н. ја однел дома, каде во зависност од побарувачката ја препакувал во помали количини (полиетиленски и хартиени паковки) и истата ја препродавал на уживатели од Скопје, со наредба од Судија на претходна постапка, извршен е претрес во неговиот дом во скопски Чаир. При започнување на претресот во домот на Ф.Н., каде тој живее со неговата сопруга, двајцата се обиделе да се ослободат од дрогата, на тој начин што ја фрлиле во дворот на соседите, но биле видени од полициски службеници кои од дворот на соседите подигнале една тегла со непозната прашкаста материја, една тегла со непозната расителна материја и повеќе помали полиетиленски паковки со непозната прашкаста и тревкаста материја.
Истотака, во кровната конструкција на куќата е пронајдена хартиена паковка со растителна материја и една дробилка за марихуана, а во домот на негов роднина, кој живее во непосредна близина е пронајдена една дигитална вага, на која имало остатоци од хероин и марихуана.
Ф.Н. е приведен во службените простории на Единицата, каде не дал појаснување за пронајдената дрога и дигитална вага, како и за тоа, од кого и од каде е пронајдената дрога. По извршеното вештачење на подигнатиот материјал од претресот, е утврдено дека пронајдената прашкаста матрија претставува 88,82 грама наркотична дрога-хероин, спакувана во 32 помали поилиетиленски паковки, додека растителната материја – 23,81 грама марихуана како и една полиетиленска паковка со вкупна маса од 5, 80 грама мешавина од парацетамол и кофеин.
Инаку, Ф.Н. покрај тоа што е кривично пријавуван за недозволена трговија со хероин, против него се поднесени и две кривични пријави за извршени две разбојништва и една кривична пријава за “недозволено изработување, држење и тргување со оружје или распрскувачки материи. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена нападната од сопругот во Ѓорче Петров
Триесет и четиригодишна жена пријавила дека во домот на подрачјето на Ѓорче Петров била физички нападната од нејзиниот сопруг М.П.(28) од Скопје.
Се преземаат мерки за расчистување на случајот.
Црна хроника
Дете нападнато од неколку соученици во Скопско
Малолетно момче вчера на пладне било нападнато од неколку соученици во Булачани, Скопско.
Случајот во полицијата го пријавил таткото на детето.
Од МВР велат дека се преземаат мерки за расчистување на случајот.
Црна хроника
Расправија за паркинг во Аеродром прераснала во голема тепачка
Вчера во скопската населба Аеродром, по претходна расправија за паркинг, настанала физичка пресметка помеѓу И.С.(31) и М.Љ.(60), двајцата од Скопје, при што М.Љ. употребил и метален предмет, oбјави МВР.
По целосно документирање на случајот ќе следува соодветна пријава.