Црна хроника
Скопски дилер „падна“ за неколку семки и таблети
Скопјанец, евидентиран во полициската крим евиденцијата како извршител на три тешки кражби, заработи кривична пријава за дело „неовластено производство и пуштање во промет наркотични дроги, психотропни супстанции и прекурсори“, откако полицијата при претрес открила, меѓу другото, и осум семки од канабис и седум таблети од психотропна супстанција, извести во неделата Министерството за внатрешни работи.
Во петокот, 8-ми април, скопјанецот идентификуван како 29-годишен И.С., кој бил во друштво на уште две лица, на улицата „Кајларска“, во населбата Кисела Вода, од страна на полициски службеници бил легитимиран и над него извршен преглед и притоа тој доброволно предал четири зипер кесички со непозната растителна материја.
Истиот ден врз основа на Судска наредба бил извршен претрес во домот на пријавениот, при што се пронајдени дваесетина кесички со непозната растителна материја, едно зипер кесиче во кое имало осум семки од непознато растение, една зипер кеса во која имало седум непознати таблети и една дигитална вага сива боја со остатоци од непозната растителна материја.
Пронајдените предмети кои се пронајдени при личниот преглед кај пријавениот, како и при претресот во неговиот дом, со потврда за привремено одземени предмети се одземени и се предадени за вештачење во ОКТИВ при МВР, каде што било констатирано дека растителната материја од четирите зипер пакувања сe со вкупна нето маса до 3,96 грама и преставува наркотична дрога марихуана, како и растителниот материјал одземен при претрес на домот со вкупна нето маса од 114,1 грам, а на површината од дигиталната вага констатирани се траги од растението канабис и траги од кокаин.
Потврдено е и дека осумте семки, исто така, потекнуваат од растение канабис, а констатирана е активна компонента во седумте таблети – 3,4 (MDMA) – психотропна супстанца-стимуланс. /крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.