Црна хроника
Сметководител од Скопје затаил данок од 750.000 евра
Сметководител од Скопје заедно со уште четири лица со разни малверзации успеале да затајат данок од над 750.000 евра.
Финансиската полиција во соработка со Управата за јавни приходи разби група на измамници од Скопје кои со разни малверзации за неколку години успеале да затајат данок од над 750.000 евра. Во врска со тоа уапсени се четири лица, додека по еден полицијата сè уште трага. Уапсените се товарат дека сториле кривични дела „измама“, „поттикнување“, „помагање“ и „фалсификување и „уништување деловни книги“.
Мозок и главен организатор на измамата, според податоците на Финансиската полиција, е З.З(54) од Скопје, вработен во сметководственото биро „Мак Консалтинг ДООЕЛ“ од Скопје, кое е во сопственост на неговата сопруга.
Тој, преку скопските фирми „Мартом ДООЕЛ“, „Бор-зо Инжинеринг ДОО експорт – импорт“, „Јоми Креатив Солушнс ДОО Скопје“, „Стајковиќ Превоз“, „Визус Интернационал ДОО“, „Дрвоконект ДООЕЛ“ и „Ивков Компани“ поттикнат од В.Б(63), Б.К(42) и В.Б(42) во периодот од 2008 до 2013 година во ДДВ пријавите кои ги доставил до УЈП прикажал фалсификувани податоци за влезниот промет, со што противзаконски и неосновано извршил поврат на ДДВ во износ од приближно 750.000 евра. Во дел од наведените фирми З.З. бил управител, а во дел ја злоупотребил својата позиција на овластен сметководител и без знаење на сопствениците на истите, изготвувал и доставувал фалсификувани ДДВ пријави до УЈП, а потоа лично од сметките на фирмите ги подигал паричните средства добиени од повратот на ДДВ.
„За да ги затскрие трагите на кривичното дело и да ја избегне кривичната одговорност, З.З. ја употребил добро разработената и позната шема на затајувачите на данок, па дел од своите фирми ги префрлил на државјани на Република Бугарија, а во дел од фирмите како подигач на парите и управител го назначил лицето Тодор Александров Паскалиев, наводен државјанин на Бугарија за кој по извршените проверки од Интерпол Бугарија се утврди дека е непостоечко лице со фалсификуван бугарски пасош“, се вели во соопштението на Финансиска полиција.
Паричните средства од неоснованите поврати за ДДВ, пријавените ги користеле за лични потреби овозможувајќи си себе си и на своите семејства луксузен живот со купување на скапи куќи и автомобили.
Полицијата уапси четворица од измамниците, додека за едниот од нив постојат информации дека е надвор од територијата на Македонија заради што по истиот дополнително ќе се трага со распишување на меѓународна потерница.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Инспектори затекнале диви менувачници на Бит-пазар и им дозволиле да работат, кривична за шест лица
Единицата за економски и компјутерски криминал при СВР Скопје поднесе кривична пријава против шест службени лица – инспектори, вработени во Државен пазарен инспекторат, и тоа: С.Б.(32), Ј.Р.(54), В.М.(47), Б.С.(46),С.С.(61) и Р.Б.(37), сите од Скопје, за сторено кривично дело „злоупотреба на службена положба и овластување“ од чл 353 од КЗ на РСМ, соопшти денеска МВР.
Во текот на март и април 2023 година, преземајќи службени дејствија и вршејќи контрола кај три објекти обележани како менувачници, лоцирани во близина на Бит Пазар, Скопје, за кои било утврдено дека не биле регистрирани како правни лица и не поседувале лиценци издадени од НБРМ за вршење менувачко работење, а подолг временски период работеле како менувачници, пријавените, како што стои во соопштението, согласно Законот за забрана и спречување на вршење на нерегистрирана дејност согласно кој истите сами навеле дека постапуваат, на затекнатите лица во дивите менувачници биле должни да им изречат решение за забрана за вршење на дејност, да им ги запечатат објектите, да им ги одземат предметите, опремата и средствата со кои е направен прекршокот, како и да им изречат глоба во износ од 1000 до 20.000 евра во денарска противвредност.
– Но, пријавените пазаришни инспектори ги прекршиле сите одредби од наведениот закон и во три извршени вонредни инспекциски надзори на затекнатите лица во сите три објекти како менувачници, ниту им издале решение за забрана за вршење на нерегистрирана дејност, ниту им ги запечатиле просториите каде што ја вршеле противзаконската активност, ниту им ги одзеле средствата, предметите и опремата со кои е направен прекршокот ниту пак им изрекле глоба во износ од 1.000 до 20.000 евра. Напротив, во сите три извршени вонредни надзори на сите три менувачници на секој од сопствениците им изрекле еднократна парична глоба во износ од 80 евра во денарска противредност и ги оставиле и понатаму менувачниците редовно да работат, со што постапиле спротивно на законот за забрана и спречување на вршење на нерегистрирана дејност и со неизвршување на својата службена должност го сториле кривичното дело „злоупотреба на службената положба и овластување“, појаснуваат од МВР во соопштението.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.