Црна хроника
Со багер прегазени двајца работници, едниот го ваделе од под машината
Возач на багер во вторникот прегазил двајца работници додека работел на изградба на зграда во Битола, при што едниот од работниците починал.
Несреќата се случила околу 13.40 часот на улица Васко Карангелевски во простор на станбено деловен објект во изградба, во сопственост на градежното претпријатие „Пелистер“.Возач на работна машина „Бобкет“ додека вршел насипување на стопи, враќајки се наназад удрил во работниците Т.М.(56) од село Крклино и Ј.Е. (63) од Битола. Постариот работник откако бил изваден од под машината, со возило на итна медицинска помош бил префрлен во Ургентниот центар во Битола, каде од страна на лекар била констатирана смрт. Увид на местото на настанот извршила увидна екипа од СВР Битола, а по наредба на јавен обвинител телото на починатиот е дадено за обдукција./крај/мф
Извор: Фото Илустрација
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.