Црна хроника
Спречен шверц на хероин сокриен во тетрапак сок
Царинските службеници на граничниот премин Богородица спречија обид за шверц на 1,2 кг хероин сокриен во тетрапак пакувања за сок
Во петокот сабајле околу 4 часот, за влез во Македонија се пријавил автобус со македонски регистарки ознаки кој сообраќал на релација Истанбул – Гостивар.
При детален преглед извршен од страна на царинските службеници во внатрешниот дел од автобусот, над две од седиштата пронајдена била една најлонска кеса во која биле ставени два овошни сока во тетрапак пакување. Но намсето сок, во тетрапак пакувањата се пронајдени две пакетчиња наполнети со хероин, облепени со селотејп трака, со вкупна тежина од околу 1200 грама.
Бидејќи ниту еден од патниците во автобусот не се пријави дека пронајдената кеса е негова, случајот беше предаден на Оддлението за истраги при Царинската управа, кои во координација со Основното јавно обвинителство Велес го превзедоа случајот. Осомничен е дваесет и двегодишен патник од автобусот.
Патникот го набавил хероинот во Турција и требало да го пренесе и предаде на лице од Македонија. Како организатори на шверцот со хероин се јавуваат лица од Македонија и Турција, а пријавениот бил само пренесувач на дрогата. По насоки добиени од организаторот, пријавениот пред неколку дена отпатувал за Истанбул каде се сретнал со турски државјанин кој претходно го подготвил и го сокрил хероинот во амбалажа од двата овошни сока.
Цената на хероинот со оваа чистота, на нарко пазарот би достигнала околу 30.000 евра.
Против сторителот, Царинската управа поднесе кривична пријава за „Неовластено производство и пуштање во промет на наркотични дроги, психотропни супстанции и прекурсори“ до надлежното Јавно обвинителство, а истрагата против сите инволвирани лица продолжува./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.