Црна хроника
Српска државјанка протерана поради непријавен престој и работа во локал во Кичево
Дваесет ичетиригодишна државјанка на Србија е прекршочно санкционирана, откако било откриено дека нелегално престојува во Македонија и е работи во угостителски објект.
Девојката е откриена во рамките на акцијата што деновиве ја реализираа полициските службеници од граничната полиција од регионалниот центар Запад, преку одделението за прекуграничен криминал при што бил проверуван и угостителскиот објект „Кеш“ на улицата „Кузман Јосифоски Питу“ во Кичево.По поднесената прекршочна пријава согласно законот за странци, основниот суд во Кичево на А.Б.од српскиот град Рашка ’ изрекол прекршочна санкција протерување од Република Македонија во времетраење од една година односно мерката „Откажување на престојот со забрана за влез во Република Македонија во рок од една година“. Во текот на минатиот месец, граничната полиција од регионалниот центар Запад во угостителски објект „Багдад“ во Велешта затекна две албански државјанки кои работеле како естрадни уметнички и имале нелегален престој со што извршиле злоупотреба на туристичкиот престој во Република Македонија за нелегална работа. Нив им е изречена парична казна од 250 евра и забрана за влез во Република Македонија во времетраење од една година. /крај/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.