Црна хроника
Стружанец со автомобил влетал во Црн Дрим и се удавил
Едно лице го загуби животот во сообраќајната незгода што во саботата околу 17 часот се случила на кеј „8 ноември“ во Струга во близина на реката Црн Дрим, соопштуваат од СВР Охрид.
Едно лице го загуби животот во сообраќајната незгода што во саботата околу 17 часот се случила на кеј „8 ноември“ во Струга во близина на реката Црн Дрим, соопштуваат од СВР Охрид.
На лице место починал 48-годишниот Невзат М., кој додека бил во својот автомобил „Даеву Нексија“, започнал да го придвижува возилото наназад, пришто тоа излетало и паднало во водите на Црн Дрим.
Поради брзината на водата во реката, возилото веднаш било завлечено по течението. Подоцна возилото било извадено од екипи од противпожарната единица и специјално возило на влечна служба. Смртта била констатирана од доктор на брза помош од Струга.
На местото на настанот увид изврши надлежен јавен обвинител како и полициски екипи од полициската станица во Струга. По наредба на јавниот обвинител, денес врз телото на сега починатиот ќе биде извршена обдукција како и вонреден технички преглед врз патничкото моторно возило./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.
Црна хроника
Со трактор излетал од коловоз, тешко повреден маж во Виничко
Вчера, во 17 часот, во Полициската станица Виница било пријавено дека во село Трстија, Виничко, трактор „фергусон“, со штипски регистарски ознаки, управуван од 63-годишниот С. Ј. од село Нов Караорман, општина Карбинци, излетал од коловозот, извести МВР.
„Во несреќата тешки телесни повреди добил возачот, констатирани во Клиничката болница во Штип“, соопшти МВР.
Извршен бил увид од екипа на ОВР Виница.